
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ქაიხოსრო ყიფიანი

Date of birth:	1795
Date of death:	1869 (at 74 years)
Category:	Nobleman, Military Person

Biography

ქაიხოსრო ივანეს (ქოჩოს) ძე ყიფიანი აქტიურად მონაწილეობდა იმერლების დაფიცებაში რუსეთის იმპერატორის ერთგულებაზე, რის გამოც 1810 წელს ჯილდოზე წარადგინეს. მსახურობდა ქართულ მილიციაში და მონაწილეობდა სამხედრო ოპერაციებში: იმერეთის 1819-1820 წლების აჯანყების ჩაქრობაში, რუსეთ-ირანის 1826-1828 წლების რუსეთ-ოსმალეთის და 1828-1829 წლების ომებში, რისთვისაც 1829 წელს პრაპორშჩიკის სამხედრო ხარისხი ებოძა. 1839-1840 წლებში ქაიხოსრო ყიფიანი ხეფინისხევის ბოქაული იყო, 1841-1851 წლებში საუბნო მსაჯულის თანაშემწე, 1851 წლიდან კი სურამის საბაჟო პოსტზე მსახურობდა ზედამხედველის თანაშემწედ. 1854 წელს ქაიხოსრო ყიფიანი მონაწილეობდა ყირიმის ომში. 1854 წლის 2 აგვისტოს გენერალი ვასილ ბებუთოვი წერდა დიმიტრი ყიფიანს: "შენი ძმა ქაიხოსრო 24 ივლისს ქურუქ-დარაში იბრძოდა, მსუბუქად დაიჭრა, მაგრამ სხვა მხრივ კარგად არის". ქაიხოსრო ყიფიანი დაქორწინებული იყო აზნაურ ეფემია კორინთელზე. ქაიხოსრო ყიფიანის შვილებმა (დავითმა, მიხეილ-მიშო, ეფროსინე კლდიაშვილისა...) შესამჩნევი კვალი დატოვეს საქართველოს საზოგადოებრივ-კულტურულ ცხოვრებაში. ქაიხოსრო ივანეს (ქოჩოს) ძე ყიფიანი - დიმიტრი ყიფიანის ძმა. ქაიხოსროს შვილიშვილია მწერალი ლევან დავითის ძე ყიფიანი.

წყარო: საინფორმაციო პორტალი-საქართველოს თავად - აზნაურთა გენეალოგიური და ბიოგრაფიული მონაცემები: nobility.pro