ევგენი ქარუმიძე

დაბადების ადგილი: ქ. გორი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1951 წელს.

შრომითი საქმიანობა დაიწყო გორში, საპროექტო-სახარჯთაღრიცხვო ორგანიზაციის ხელმძღვანელად; 1956-1964წწ. მუშაობდა ქ. გორის მთავარ არქიტექტორად; 1064-1972წწ. საქართველოს მშენაბლობის სამინისტროს N9 სამშენებლო ტრესტის მთავარ ინჟინრად და მმართველად; 1972-1984წწ. ამავე სამინისტროს საწარმოო-განმკარგულებელი სამმართველოს უფროსად და კოლეგიის წევრად; 1984-1986წწ. იყო საქართველოს გაზიფიკაციის სახელმწოფო კომიტეტის სამშენებლო ტრესტის მმართველი, მომარაგების სახელმწიფო კომიტეტის სამმართველოს უფროსი; 1986-1991წწ. ქ. გორის მთავარი არქიტექტორი; 1991-1999წწ. საქართველოს ურბანიზაციისა და მშენებლობის სამინისტროს მთავარი სპეციალისტი; მშენებლობაში პროდუქციის სერტიფიკაციის ორგანოს დირექტორის მოადგილე; ხელმძღვანელობდა არაერთი მნიშვნელოვანი სამრეწველო, სამოქალაქო და საბინაო დანიშნულების ობიქტის, მათ შორის: გორის ბამბეული ქსოვილების კომბინატის (II რიგის), გორისა და აგარის საკონსერვო, სურამის მინის ტარის ქარხნების (I რიგის), ხაშურის საგალანტერიო ფაბრიკის მშენებლობას; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.558; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.41

• 2001 - ღირსების ორდენი
• საქართველოს დამსახურებული ინჟინერი