რევაზ ქაცარავა

დაბადების ადგილი: სოფელი ლესელიძე, გაგრის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1972 წელს.

1968-1972წწ. მუშაობდა საქართველოს ადგილობრივი მრეწველობის სამინისტროს საპროექტო-საკონსტრუქტორო ბიუროში ტექნიკოს-კონსტრუქტორად და ინჟინერ-კონსტრუქტორად; 1972-1982წწ. სამშენებლო ტრესტ "იალტასპეცმშენის" სამშენებლო სამმართველოს საწარმოო-ტექნიკური განყოფილების ინჟინრად, სამშენებლო უბნის უფროსად, მთავარ ინჟინრად; 1982-1992წწ. იყო აფხაზეთის ასს რესპუბლიკის ადგილობრივი მრეწველობის სამინისტროს გაგრის საშენ მასალათა კომბინატის მთავარი ინჟინერი; 1992-1999წწ. თბილისის "ქალაქგაფორმების" კომბინატის სამუშაოთა მწარმოებელი; 1999-2006წწ. სს "პროკრედიტბანკის" საპროექტო-სამშენებლო სამსახურის უფროსი; 2006 წლიდან არის შპს "გაგრა-999"-ს დამფუძნებელი და დირექტორი; ხელმძღვანელობდა ქ. გაგრაში 450-ადგილიანი სასტუმროს თექსვმეტსართულიანი შენობის (ანაკრები რკინაბეტონის კონსტრუქციებით) მშენებლობას, სანატორიუმ "უკრაინას" კომპლექსის სრულ რეკონსტრუქციას; დაპროექტებული და აშენებული აქვს ინდივიდუალური საცხოვრებელი სახლები ქ. გაგრის ზონაში, სს "პროკრედიტბანკისა" და სს "საქართველოს ბანკის" ქუთაისის, ხაშურის და ზუგდიდის ფილიალები; მისი ხელმძღვანელობიტ განხორციელდა 50-ზე მეტი საბანკო ფილიალის შენობის რეკონსტრუქცია.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.560-561