თენგიზ ქებულაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი სამშენებლო ფაკულტეტი სამრეწველო და სამოქალაქო მშენებლობის სპეციალობით 1959 წელს.

1959-1961წწ. მუშაობდა სამშენებლო-სამონტაჟო ტრესტ "საქსოფლელექტრორემმშენში" ინჟინრად; 1961-1966წწ. საპროექტო ინსტიტუტ "საქშახტპროექტის" ინჟინერ-კონსტრუქტორად; 1966-1967წწ. საქართველოს მშენებლობის სამინისტროს N1 სამშენებლო ტრესტის სამშენებლო სამმართველო "ქიმმრეწვმშენის" სამუშაოთა მწარმოებლად; 1967-1969წწ. საქართველოს სასოფლო მშენებლობის სამინისტროს მექანიზებული კოლონის მთავარ ინჟინრად; 1969-1978წწ. მადნეულის სამთო-გამამდიდრებელ კომბინატის მშენებლობის სამშენებლო სამმართველოს უბნის უფროსად;1976-1978წწ. იყო საქართველოს ხორცისა და რძის მრეწველობის სამინისტროს საპროექტო ორგანიზაციის უფროსის მოადგილე; 1978-1981წწ. საქართველოს მშენებლობის სამინისტროს სამშენებლო გაერთიანება "მთავართბილმშენის" სახლსაშენი კომბინატის N2 სამშენებლო სამმართველოს მთავარი ინჟინერი; 1981-1982წწ. საქართველოს სასოფლო მშენებლობის სამინისტროს სახლსაშენი კომბინატის რაზმის უფროსი; 1982 წლიდან ხელმძღვანელობდა საპროექტო-ტექნოლოგიურ ბიუროს (ამჟამად - შპს "საპროექტო-ტექნოლოგიური ბიურო"); მონაწილეობდა ტყიბულისა და ტყვარჩელის რიგი შახტების, ჭიათურის ერთ-ერთი საბაგირო გზის, რუსთავის ქიმიური ქარხნის კაპროლაქტამის საწარმოს კორპუსის მშენებლობაში; ხელმძღვანელობდა დაბა კაზრეთის სასმელი წყლის სათავე ნაგებობის, თბილისის ვაზისუბნისა და გლდანის დასახლებების ცალკეული მაღლივი კორპუსების, სოფელ სამთაწყაროს დასახლების მშენებლობას.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.563