იური ქედიშვილი

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1948 წელს.

1949-1952წწ. მუშაობდა რიგი ობიექტების მშენებლობაზე ოსტატად, ცვლის უფროსად, უბნის უფროსად; 1952-1954წწ. საპროექტო ჯგუფის უფროს ინჟინრად, სამშენებლო გაერთიანება "თბილგვირაბმშენის" სამმართველოში ტექნიკური განყოფილების უფროსის მოადგილედ, საგეგმო-საწარმოო განყოფილების უფროსად; 1959-1975წწ. იყო საქართველოს კომპარტიის ცენტრალური კომიტეტის მშენებლობისა და საქალაქო მეურნეობის ინსტრუქტორი, განყოფილების გამგის მოადგილე, გამგე; 1976-1987წწ. მუშაობდა საქართველოს სსრ მინისტრთა საბჭოს თავმჯდომარის მოადგილედ მშენებლობის დარგში; წლების განმავლობაში კურირებდა მშენებლობის, სამშენებლო ინდუსტრიისა და კომუნალური მეურნეობის საკითხებს; აქტიურად იყო ჩართული სტიქიური მოვლენების სალიკვიდაციო სამუშაოებში; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.563-564