ირაკლი ქვარაია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1975 წელს; სამეცნიერო-ტექნიკური გაერთიანება "საქსაშენმასალების" ასპირანტურა.

მუშაობდა მშენებელ ოსტატად, ინჟინერ-კონსტრუქტორად, სამეცნიერო-ტექნიკური გაერთიანება "საქსაშენმასალების" მეცნიერ-თანამშრომლად.

1983-1985წწ. იყო საქართველოს მშენებლობის საქმეთა სახელმწიფო კომიტეტის ("სახმშენის") სამშენებლო ინდუსტრიის განყოფილების უფროსის მოადგილე; 1985-1990წწ. საქართველოს კომპარტიის თბილისის საქალაქო კომიტეტისა და საქართველოს კომპარტიის ცენტრალური კომიტეტის მშენებლობისა და საქალაქო მეურნეობის განყოფილებების ინსტრუქტორი; 1990-1992წწ. იყო სამეცნიერო-ტექნიკური გაერთიანება "საქსაშენმასალების" სამეცნიერო-ტექნიკური ცენტრის გენერალური დირექტორის მოადგილე, სამეცნიერო-საწარმოო და სამშენებლო-კომერციული ასოციაცია "ბარის" პრეზიდენტი; 1992 წლიდან საქართველოს უნივერსიტეტის სამშენებლო წარმოების ტექნოლოგიის კათედრის დოცენტია; პროფესიული საქმიანობის პერიოდში მონაწილეობდა თბილისის მნიშვნელოვანი ობიექტების მშენებლობაში; საქართველოს მასშტაბით კურირებდა საბინაო და კულტურულ-სოციალური დანიშნულების ობიექტების მშენებლობას; არის ტექნიკის მეცნიერებათა კანდიდატი; გამოქვეყნებული აქვს 18 სამეცნიერო ნაშრომი და სახელმძღვანელოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.566-567

• დამხმარე სახელმძღვანელო მეფილე-მომპირკეთებელთა შეგირდებისათვის (ავტორი). - თბილისი, ტექნ. უნ-ტი, 2009. - 38გვ.
• ილუსტრირებული სახელმძღვანელო კალატოზების შეგირდებისათვის (ავტორი). - თბილისი, ტექნიკური უნ-ტი, 2009. - 38გვ.
• ილუსტრირებული სახელმძღვანელო სანტექნიკოსების შეგირდებისათვის (ავტორი). - თბილისი, ტექნ. უნ-ტი, 2009. - 42გვ.
• დამხმარე სახელმძღვანელო ელექტრომემონტაჟეთა შეგირდებისათვის (ავტორი). - თბილისი, ტექნიკური უნ-ტის გამ-ბა, 2009. - 45გვ.
• სამშენებლო-სამონტაჟო სამუშაოების ტექნოლოგია : სახელმძღვ. სტუდ. (ავტორი). - თბილისი, ტექნ. უნ-ტი, 2005. - 101გვ.