ვიანორ ქვაჩახია

დაბადების ადგილი: ქ. ოჩამჩირე.

დაამთავრა სოხუმის ინდუსტრიული ტექნიკუმი 1964 წელს; საქართველოს პოლიტექნიკური  ინსტიტუტის სამშენებლო ფაკულტეტი 1970 წელს.

1964-1969წწ. მუშაობდა სამშენებლო ტრესტ "კოლხეთმშენში" სამუშაოთა მწარმოებლად; 1969-1971წწ. სამშენებლო სამმართველო "ტყვარჩელშახტმშენში"; 1971-1982წწ. ტამიშის ეთერზეთების მეურნეობათა გაერთიანებაში - მთავარ ინჟინრად; 1982-1985წწ. ოჩამჩირის სარემონტო-სამშენებლო სამმართველოს მთავარ ინჟინრად; 1985-1992წწ. გულრიფშის სამშენებლო-სარემონტო სამმართველოს უფროსად; პრაქტიკული პროფესიული საქმიანობის პერიოდში მონაწილეობდა მელიორაციული სამუშაოების, ხიდებისა და გზების მშენებლობაში; ხელმძღვანელობდა სკოლების, საბავშვო ბაღების მშენებლობას, სოხუმის N1 სკოლისა და გულრიფშის ეკლესიის რეკონსტრუქციას; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.568