მიხეილ ქინქლაძე

დაბადების ადგილი: ქ. ლანჩხუთი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1980 წელს.

1980-1988წწ. მუშაობდა ქ. ლანჩხუთის რაიაღმასკომის საპროექტო ჯგუფში არქიტექტორის თანამდებობაზე; 1988 წლიდან მუშაობდა საპროექტო ინსტიტუტ "საქქალაქმშენსახპროექტის" ბათუმის ფილიალში უფროს არქიტექტორად; 1992-1998წწ. იყო სხვადასხვა კერძო ფირმების მთავარი არქიტექტორი; 1998-2000წწ. მუშაობდა საპროექტო-სამშენებლო ფირმა "ერა-98"-ის პროექტის მთავარ არქიტექტორად; 2005-2013წწ. იყო შპს "არქიტრიოს" მთავარი არქიტექტორი და დამფუძნებელი; არის შპს "ამ-არტის" დამფუძნებელი და მთავარი არქიტექტორი; არის მრავალი განხორციელებული და საპროექტო წინადადებისა და ესკიზის ავტორი; სხვადასხვა დროს მონაწილეობდა არქიტექტურულ კონკურსებში, კერძოდ: 1987 წელს ბათუმსა და 1990 წელს ქუთაისში "არქპროექტების საკავშირო დათვალიერება-კონკურსში", მიღებული აქვს წამახალისებელი და მესამე ხარისხის პრემია; არის 1988 წელს ბათუმში სხვადასხვა თემაზე გამოცხადებული კონკურსების პირველი და მეორე პრემიების ლაურეატი; არის 1988 წლის პირველი არქიტექტურული ბიენალეს ლაურეატი; 1995 წელს, ბათუმის ზღვისპირა პარკის რეკონსტრუქციაზე გამოცხადებულ ღია კონკურსში მიღებული აქვს წამახალისებელი პრემია; არქიტექტურის გარდა მუშაობს გრაფიკის დარგში; მონაწილეობა აქვს მიღებული სხვადასხვა ჯგუფურ გამოფენებში; მისი ბიოგრაფია შესულია ენციკლოპედიურ ლექსიკონში "ვინ ვინაა თანამედროვე ქართულ არქიტექტურაში". მიღებული აქვს აჭარის ავტონომიური რესპუბლიკის ურბანიზაციისა და მშენებლობის სამინისტროს საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.568-569

• საქართველოს არქიტექტორთა კავშირი, წევრი (1989-)
• საქართველოს არქიტექტორთა კავშირი, გამგეობის წევრი
• საქართველოს დიზაინერთა კავშირი, წევრი