ანდრო ღვამიჩავა

დაბადების ადგილი: ქ. თბილისი.

დაამთავრა თბილისის სამხატვრო აკადემიის არქიტექტურის ფაკულტეტი 1983 წელს; 1986-1989წწ. სწავლობდა საქართველოს პოლიტექნიკური ინსტიტუტის ასპირანტურაში; 1993 წელს დაამთავრა გერმანიის საგარეო საქმეთა სამინისტროს ბერლინის დიპლომატიური სკოლა და გაიარა სტაჟირება ბრიუსელის ნატოს შტაბბინაში; 1997 წელს დაამთავრა ბერლინის გოეთეს ინსტიტუტი.

1983-1989წწ. მუშაობდა საპროექტო ინსტიტუტ "სოიუზკურორტპროექტის" საქართველოს ფილიალში არქიტექტორად; 1998-2000წწ. ვენაში გაეროს შტაბბინაში საერთაშორისო საკითხების ექსპერტად საქართველოდან; 2000-2004წწ. საქართველოს საგარეო საქმეთა სამინისტროში მთავარ სპეციალისტად; 1989 წელს გამოქვეყნებული აქვს ნაშრომთა კრებული "დიდ აგლომერაციებში ხანმოკლე დასვენების ცენტრების არქიტექტურული ორგანიზაცია"; 1993 წელს ბერლინში გამოიცა ნაშრომი "საქართველოს ეკონომიკური განვითარების ძირითადი მიმართულებები"; 1998 წელს გამოსცა წიგნი "ევროკავშირი XXI საუკუნის მიჯნაზე"; პრაქტიკული პროფსიული საქმიანობის წლებში შესრულებული აქვს არაერთი არქიტექტურული ობიექტის პროექტი; ამავე პერიოდში თბილისში, მოსკოვში, ბერლინში, კიევში მოწყობილი აქვს პერსონალური გამოფენები - არქიტექტურა, გრაფიკა, ფერწერა, კარიკატურა და ქანდაკება.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.582-583

• საქართველოს არქიტექტორთა კავშირი, წევრი (1986-)
• საქართველოს არქიტექტორთა კავშირის ეთიკის კომისია, წევრი (2012-)

• ევროკავშირი XXI საუკუნის მიჯნაზე (ავტორი). - თბილისი, თბილ.უნ-ტის გამ-ბა, 1998. - 132გვ.