ილია ღულაძე

დაბადების ადგილი: ქ. ქუთაისი.

დაამთავრა ქუთაისის საავიაციო ტექნიკუმი 1944 წელს; თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1949 წელს.

1949-1950წწ. მუშაობდა ქ. დნეპროპეტროვსკში გზის ოსტატად; 1950-1954წწ. საქართველოს მშენებლობის სამინისტროს N4 სამშენებლო ტრესტის N4 სამშენებლო სამმართველოს უფროს სამუშაოთა მწარმოებლად; 1962-1970წწ. N3 სამშენებლო სამმართველოს მთავარ ინჟინრად, იმავე ტრესტის მოპირკეთების სამმართველოს უფროსად; 1970-1972წწ. ქუთაისის საშენ მასალათა კომბინატის დირექტორად; 1973-1977წწ. ქუთაისის სახლმშენებელი კომბინატის უბნის უფროსად, დირექტორის მოადგილედ; 1977-1978წწ. იყო სამშენებლო ტრესტ "კოოპმშენის" ქუთაისის სამშენებლო სამმართველოს უფროსი; 1978-1985წწ. ქუთაისის საქალაქო საბჭოს აღმასკომის სამშენებლო-სამონტაჟო სამმართველოს უფროსი, ქუთაისის სახლმშენებელი კომბინატის დირექტორის მოადგილე; 1985-1986წწ. ხელმძღვანელობდა საქართველოს სასოფლო მშენებლობის სამინისტროს N2 სამშენებლო ტრესტის წყალტუბოს N28 მოძრავ-მექანიზებულ კოლონას; 1986 წლიდან მუშაობდა ქუთაისის სახლმშენებელ კომბინატში სხვადასხვა თანამდებობაზე; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.587-588

• საქართველოს დამსახურებული ინჟინერი