ირაკლი ყანჩელი

დაბადების ადგილი : ქ. გორი.

დაამთავრა თბილისის რკინიგზის ტრანსპორტის ინჟინერთა ინსტიტუტი ხიდებისა და გვირაბების მშენებლობის სპეციალობით 1961 წელს.

შრომითი საქმიანობა დაიწყო საქართველოს გზატკეცილების მთავარი სამმართველოს თელავის ხიდების N9 სარემონტო-სამშენებლო სამმართველოში; იყო ოსტატი, სამუშაოთა მწარმოებელი, უფროსი სამუშაოთა მწარმოებელი; 1970-1972წწ. მუშაობდა თბილისის N15 საგზაო სარემონტო-სამშენებლო სამმართველოს მთავარ ინჟინრად; 1972-1977წწ. სამმართველოს უფროსად; 1977-1986წწ. თბილისის N11 საგზაო სარემონტო-სამშენებლო სამმათველოს უფროსად; 1986-1993წწ. საქართველოს საავტომობილო გზების სამინისტროს N1 საგზაო სარემონტო-სამშენებლო ტრესტის მმართველად; 1993-2000წწ. მუშაობდა მოსკოვში მის მიერ დაფუძნებულ კომპანიაში; მისი ხელმძღვანელობითა და მონაწილეობით აშენდა მრავალი სახიდე გადასასვლელი მდინარეებზე: სვიანაზე, მშრალ ხევზე (მთათუშეთში), თურდოსხევზე, ინწობაზე, ბოლიაზე, ხოდაშენისხევზე (კახეთის ზონაში), იუფშარაზე "ბზიფი-რიწა-ავადხარას" გზაზე, ხანისწყალსა და წაბლარაზე (2-2 ხიდი - ბაღდათის რაიონში), ლოჭინოსხევზე, იორზე, ჩაილურზე; აიგო გზაგამტარი სოფელ ბადიაურთან, "თბილისი-ბაკურციხე-ლაგოდეხის" გზაზე, ხიდი მშრალ ხევზე ("მცხეთა-ყაზბეგი-ლარსის" გზაზე) და 5 ხიდი "ბზიფი-რიწის" გზაზე (აფხაზეთი); აღდგა წყალდიდობით დაზიანებული ხიდი მდინარე ჭოროხზე (აჭარა), რეკონსტრუქცია ჩაუტარდა "ბადიაური-ბაკურციხე-გურჯაანის", "წნორი-ენამთისა" და "საგარეჯო-უდაბნოს" გზებს; მონაწილეობდა I კატეგორიის გზის "თბილისი-ნატახტარის" მონაკვეთის, თბილისის შემოსავლელი გზებისა და საქართველოს საავტომობილო გზების სამინისტროს საინჟინრო კორპუსის მშენებლობაში; ასევე, მიწისძვრის შედეგად დანგრეული ქ. სპიტაკის აღდგენაში (სომხეთში); ხელმძღვანელობდა საჩხერისა და ჭიათურის რაიონებში გზების აღდგენით სამუშაოებს, სოფრინოს, პუშკინოს, რიგის, ყაზანისა და ლენინგრადის სადგურების, რკინიგზის პოლიკლინიკების, 300-ბინიანი საცხოვრებელი სახლების მშენებლობასა და შიდა სამუშაოებს (ქ. მოსკოვში); შპს "საქგზაპროექტის" გენერალური დირექტორია; მიღებული აქვს საქართველოს უმაღლესი საბჭოს პრეზიდიუმის საპატიო სიგელი, ქ. მოსკოვის მერისა და რუსეთის ფედერაციის რკინიგზის უფროსის მადლობები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.591-592; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.253

• საქართველოს ეროვნულ და სოციალურ ურთიერთობათა აკადემია, აკადემიკოსი

• 2001 - ღირსების მედალი
• საპატიო ნიშნის ორდენი
• ხალხთა მეგობრობის ორდენი
• საპატიო მეგზევე
• საქართველოს დამსახურებული ინჟინერი
• შრომის ვეტერანი