შალვა ყიასაშვილი

დაბადების ადგილი: ქ. თბილისი.

დაამთავრა ამიერკავკასიის საინჟინრო სამელიორაციო ინსტიტუტი 1931 წელს.

1931 წელს შრომითი საქმიანობა დაიწყო კურორტ აბასთუმნის საავტომობილო გზის მშენებლობაზე; მუშაობდა საქართველოს კვების მრეწველობის სამინისტროს სისტემაში სამუშაოთა მწარმოებლად, უბნის უფროსად, სამშენებლო სამმართველოს უფროსად, სამშენებლო ტრესტის მმართველად; 1950 წლიდან მუშაობდა საქართველოს წყალთა მეურნეობის სამინისტროს სისტემაში სამშენებლო სამმართველოს უფროსად; დიდი წვლილი აქვს შეტანილი წყალსამეურნეო ობიექტების მშენებლობაში; მისი მონაწილეობითა და ხელმძღვანელობით განხორციელდა ისეთი მნიშვნელოვანი წყალსამეურნეო ობიექტების მშენებლობა, როგორებიცაა: ტაშისკარის, თეძამისა და კავთისხევის სარწყავი სისტემები, ტირიფონისა და ხალთვის სარწყავი სისტემების რეკონსტრუქცია; როგორც სამშენებლო ორგანიზაციის ხელმძღვანელი გამოირჩეოდა ორგანიზატორული ნიჭითა და უნარებით, თანამშრომლებსა და კოლეგებს შორის დიდი ავტორიტეტით სარგებლობდა; ახალგაზრდობაში იყო თბილისის დინამოს კალათბურთელთა გუნდის ერთ-ერთი წამყვანი მოთამაშე; დიდი წვლილი აქვს შეტანილი საქართველოში კალათბურთის განვითარების საქმეში; დაჯილდოებული იყო სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.594

• საქართველოს დამსახურებული ინჟინერი