გიორგი ყიფიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1975 წელს; გაიარა კვალიფიკაციის ასამაღლებელი კურსები მოსკოვის არქიტექტურულ ინსტიტუტში.

1975 წლიდან დაიწყო შრომითი საქმიანობა თბილისის საპროექტო ინსტიტუტ "თბილქალაქპროექტში"; 1987 წლიდან იყო პროექტის მთავარი არქიტექტორი; 1988 წლიდან საკუთარ საპროექტო ორგანიზაციას ხელმძღვანელობს; 1988 წლიდან ეწევა პედაგოგიურ მოღვაწეობას საქართველოს პოლიტექნიკურ უნივერსიტეტში არქიტექტურული პროექტების და პროექტირების საკანონმდებლო დარგში; მის მიერ განხორციელებული პროექტებიდან აღსანიშნავია: საქართველოს ჯანმრთელობის დაცვის სამინისტროს მე-4 მთავარი სამმართველოს სარეაბილიტაციო საავადმყოფოს პროექტი (1981); საცხოვრებელი კვარტალი ქ. ტიუმენში (1986); სკოლა, რესტორანი და უნივერსამი ქ. ტიუმენში (1986-1989), ქ. თბილისში მე-3 მასივის რეკონსტრუქციის პროექტი (1990), ყრუთა საზოგადოების სპორტუს-კულტურული კომპლექსი (1992), წყნეთში - "ვაშლის ბაღების", "მშრალი ტბის", ახალდაბის გზის მიმდებარე ტერიტორიების დაგეგმარება (1998-2003), საცხოვრებელი სახლები ქ. თბილისში იოსებიძის, საბურთალოს, ფოთის, ვახუშტი ბაგრატიონის ქუჩაზე, აკაკი წერეთლის გამზირზე (2005-2015) და სხვა. არქიტექტურის დოქტორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.595

• საქართველოს არქიტექტორთა კავშირი, საკანონმდებლო კომისიის თავმჯდომარე (2000-2010)
• საქართველოს არქიტექტორთა კავშირი, თავმჯდომარის მოადგილე (1997-2000)
• საქართველოს არქიტექტორთა კავშირი, წევრი (1984-)