ვანო ყიფიანი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1957 წელს.

1957 წლიდან მუშაობა დაიწყო საპროექტო ინსტიტუტ "საქსოფლმშენპროექტში" ინჟინრად; 1962 წელს სამუშაოდ გადადის მარნეულში, ყულარის ქარხანა-მეურნეობაში მშენებელ ინჟინრად; 1964-1966წწ. ყულარის ოლქიდან არჩეულ იქნა მარნეულის რაისაბჭოს დეპუტატად, შემდგომ მარნეულის რაისაბჭოს აღმასკომის თავმჯდომარის პირველ მოადგილედ დაინიშნა; 1966 წლიდან სამუშაოდ გადმოიყვანეს ახლად ჩამოყალიბებულ საქართველოს სასოფლო მშენებლობის სამინისტროში კაპიტალური მშენებლობის განყოფილების უფროსად; 1968 წელს დაინიშნა ამავე სამინისტროს N1 მოძრავ-მექანიზირებული კოლონის უფროსად მცხეთაში; 1971 წლიდან მუშაობდა კრწანისის N27 მოძრავ-მექანიზირებული კოლონის უფროსად; 1975 წლიდან სასოფლო მშენებლობის სამინისტროს სისტემაში N27 მოძრავ-მექანიზირებული კოლონის ბაზაზე ჩამოყალიბდა N8 სამშენებლო-სამონტაჟო ტრესტი "საქსათბურმშენი", რომლის მმართველად მუშაობდა 1986 წლის ჩათვლით; 1986 წლიდან საქართველოს სასოფლო მშენებლობისა და მშენებლობის სამინისტროების გაერთიანების შემდეგ მუშაობდა მშენებლობის სამინისტროს სამშენებლო-სამონტაჟო ტრესტ "სოფლმშენმონტაჟის" მმართველად; შემდგომ ამ ტრესტს ეწოდა N15 სპეცსამონტაჟო ტრესტი "საქაგრომშენი", რომელიც 1991 წლიდან გადაკეთდა მრავალდარგოვან ფირმა "კვესად", რომლის დირექტორადაც მუშაობდა 1992 წლამდე; 1992-2004წწ. მუშაობდა შპს "ბემის" დირექტორად; მისი ხელმძღვანელობით აშენდა სახელმწიფო სასათბურე კომბინატები კრწანისში, კინდღში, წყალტუბოში, ჭიათურაში, ქობულეთში, ბიჭვინთაში, თელავში, მცხეთაში, ვოლოგდაში, ურეკში, სოკოს სასათბურე კომბინატი "შამპინარიუმი" კრწანისში, სპორტული ნაგებობები; ტრესტ "სათბურმშენის" მიერ თავისი ხარჯებით აშენებულ იქნა თბილისის "დინამოს" საფეხბურთო გუნდის საწვრთნელი ბაზა დიღომში, რომელიც ერთ-ერთი საუკეთესო იყო არა მარტო საქართველოში, არამედ საბჭოთა კავშირის მასშტაბითაც; მისი ხელმძღვანელობით აშენდა საჩოგბურთო მოედნები სანაპიროზე და ვერის პარკში, კალათბურთის დარბაზი ვერის პარკში, დიღომსა და დიდუბეში, ფრენბურთის დარბაზი "მზიურში".

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.595-596; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.304

• 1999 - ღირსების ორდენი
  საქართველოს ეროვნული ოლიმპიური კომიტეტის დაფუძნებაში, სპორტის ოლიმპიურ სახეობათა განვითარებაში, ოლიმპიზმის იდეების პროპაგანდაში შეტანილი პირადი დიდი წვლილისა და ნაყოფიერი საზოგადოებრივი მოღვაწეობისათვის
• საქართველოს დამსახურებული ინჟინერი
• შრომის წითელი დროშის ორდენი