ნათელა ყიფიანი

დაბადების ადგილი: ქ. ჭიათურა.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1963 წელს.

1963 წელს მუშაობა დაიწყო საქართველოს პოლიტექნიკური ინსტიტუტის ლითონის კონსტრუქციების კათედრაზე ასისტენტად, უფროს მასწავლებლად; მუშაობას აგრძელებს დოცენტის თანამდებობაზე; მისი საკანდიდატო დისერტაციის თემა დაინერგა რესპუბლიკის სამშენებლო სფეროს მასშტაბით; პედაგოგიურ საქმიანობასთან ერთად ნაყოფიერ სამეცნიერო-კვლევით მოღვაწეობას ეწეოდა; არის 25 სამეცნიერო ნაშრომისა და რამდენიმე მეთოდური მონოგრაფია-მითითების ავტორი; წლების განმავლობაში იყო საქართველოს ტექნიკური უნივერსიტეტის სამშენებლო ფაკულტეტის სამეცნიერო საბჭოს სწავლული მდივანი, სადიპლომო გამოცდებისა და კვალიფიკაციის ამაღლების კომისიების წევრი; არის უნივერსიტეტის ქალთა საზოგადოებრივი ორგანიზაციის ერთ-ერთი აქტიური წევრი და ორგანიზატორი. ტექნიკურ მეცნიერებათა კანდიდატი. საკანდიდატო დისერტაციის თემა - "ახალი კონსტრუქციის სივრცითი შპრეგელური ფერმის ანგარიში", დაიცვა 1973 წელს.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.596-597