თამარ ლალიაშვილი

დაბადების ადგილი: თიანეთის რაიონი.

დაამთავრა თბილისის სახელმწიფო უნივერსიტეტის სამართალმცოდნეობის ფაკულტეტი.

1997-1998წწ. სტაჟირება გაიარა ქ. ბრემენის პროკურატურასა და საქალაქო სასამართლოში; იყო ფრიდრიხ ებერტის ფონდის სტიპენდიატი; მაქს-პლანკის სახელობის საზოგადოების სტიპენდიანტი (2000, 2003). 1988-1990წწ. მუშაობდა ისნის რაიონის სასამართლოს სხდომის მდივნად; 1990-1992წწ. საქართველოს იუსტიციის სამინისტროს კონსულტანტად; 1992-1999წწ. გენერალური პროკურატურის სამმართველოს პროკურორად; 1999-2000წწ. მთაწმინდა-კრწანისის რაიონული სასამართლოს მოსამართლედ; 2001-2006წწ. იყო უზენაესი სასამართლოს მოსამართლე. 2007-2010წწ. ქ. ბრემენის უნივერსიტეტის მეცნიერ-თანამშრომელი; საქართველოს უნივერსიტეტის ლექტორი (2010); გ. რობაქიძის სახელობის უნივერსიტეტის ლექტორი (2011); 2011-2013წწ. საქართველოს განვითარების კვლევითი ინსტიტუტის ექსპერტი. გამოქვეყნებული აქვს სამეცნიერო ნაშრომები. იურიდიულ მეცნიერებათა დოქტორი, სამართალმცოდნე.

საკანდიდატო დისერტაციის თემა - "საპროცესო შეთანხმების შედარებითი ანალიზი გერმანიის, ამერიკის შეერთებული შტატებისა და საქართველოს სისხლის სამართლის პროცესის შესაბამისად".

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.282; საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის ვებ-გვერდი: sangu.edu.ge; კვირის პალიტრა: kvirispalitra.ge

• საქართველოში სისხლის სამრთლის რეფორმების განმახორციელებელი სამთავრობო კომისია , წევრი (2002-2003)
• საქართველოს სისხლის სამართლის საპროცესო კოდექსის პროექტზე მომუშავე კომისია, წევრი

• საქართველოს პროკურატურის კონცეფცია (ავტორი). - თბილისი, ნეკერი, 2012. - 50გვ.