ოთარ შარაძე

დაბადების ადგილი: ქედის რაიონი.

დაამთავრა საქართველოს პოლიტექნიკური ინსტიტუტის ბათუმის ფილიალი სამრეწველო და სამოქალაქო მშენებლობის სპეციალობით 1976 წელს.

1974-1982წწ. მუშაობდა აჭარის ავტონომიური რესპუბლიკის კომუნალური მეურნეობის სამინისტროს საპროექტო ორგანიზაციაში ინჟინრად, მთავარ სპეციალისტად და განყოფილების უფროსად; 1982-1997წწ. აჭარის ავტონომიური რესპუბლიკის მშენებლობის საქმეთა სახელმწიფო კომიტეტში - პროექტებისა და ხარჯთაღრიცხვის საექსპერტიზო ბიუროსა და არქმშენინსპექციის უფროსად; 1997-2002წწ იყო აჭარის ავტონომიური რესპუბლიკის ურბანიზაციისა და მშენებლობის მინისტრის მოადგილე; 2002-2007წწ. შპს "აჭარის ელექტროკომპანიის" ინჟინერი; 2007 წლიდან შპს "კონსტრუქტორ-21"-ის ინჟინერ-კონსტრუქტორი; 1976-1983წწ. ეწეოდა პედაგოგიურ საქმიანობას, კითხულობდა ლექციებს ბატუმის ინდუსტრიულ ტექნიკუმში; 1990-1991წწ. საქართველოს პოლიტექნიკურ ინსტიტუტსა და 2005-2009წწ. ბათუმის შოთა რუსთაველის სახელობის სახელმწიფო უნივერსიტეტში კითხულობდა ლექციებს საინჟინრო-ტექნიკურ ფაკულტეტზე; სხვადასხვა დროს თავმჯდომარეობდა საგამოცდო კომისიებს; აქტიურად იყო ჩართული, როგორც დამპროექტებელი, მშენებელი და ხელმძღვანელობდა არაერთი სამრეწველო, სამოქალაქო და საზოგადოებრივი დანიშნულების ობიექტის მშენებლობას; მიღებული აქვს რიგი საუწყებო ჯილდო.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.607; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.105

• 2000 - ღირსების ორდენი