ნიკოლოზ შარაბიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1967 წელს.

შრომითი საქმიანობა დაიწყო საპროექტო ინსტიტუტ "კავგიპროტრანსში" ინჟინრად; მუშაობდა სპეციალიზებულ სამშენებლო ტრესტ "სპეცმშენში" მთავარ დისპეტჩერად, ბეტონის მილების დამამზადებელი საწარმოს დირექტორად, მოძრავ-მექანიზებული კოლონის უფროსად; 1976 წლიდან მუშაობდა თბილისის საქალაქო საბჭოს აღმასკომის სამშენებლო ტრესტ "ინჟმშენის" სისტემაში; იყო საწარმოო კომბინატის მთავარი ინჟინერი, სამშენებლო-სამონტაჟო სამმართველოს უფროსი, ტრესტის მმართველის მოადგილე, მთავარი ინჟინერი, ტრესტის მმართველი; 1980-1983წწ. მივლინებული იყო სირიის არაბთა რესპუბლიკაში მშენებელ კონსულტანტთა ჯგუფის ხელმძღვანელად, მთავარ ინჟინრად; იყო სააქციო საზოგადოება "ინჟმშენის" გენერალური დირექტორი; მონაწილეობდა საცურაო აუზის (სანაპიროზე), საპროექტო ინსტიტუტ "თბილქალაქპროექტის", მიწისქვეშა გადასასვლელების, თბილისის მთავარი საკანალიზაციო კოლექტორის, მიწისქვეშა კომუნიკაციების მშენებლობაში; ხელმძღვანელობდა თბილისის მაგისტრალური წყალსადენების, საქვაბეების, "ბაქო-სუფსის" ნავთობსადენის სატუმბი სადგურების, საცხოვრებელი სახლების (თავისუფლების მოედანზე) მშენებლობას, სასტუმრო "თბილისის" აღდგენით-სარეკონსტრუქციო სამუშაოებს; დაჯილდოებულია სირიის არაბთა რესპულიკისა და საქართველოს სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.608; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.268

• 1998 - ღირსების მედალი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის