ვაჟა შუკაკიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, თბოაირმომარაგებისა და ვენტილაციის სპეციალობით 1965 წელს.

1965-1970წწ. მუშაობდა ქ. რუსთავის ქიმიური ქარხნის მშენებლობაზე სამონტაჟო ტრესტ "საქსპეცმონტაჟმშენის" N3 სამონტაჟო სამმართველოს მშენებელ-ოსტატად, სამუშაოთა მწარმოებლად, უბნის უფროსად; 1971-1989წწ. მუშაობდა თბილისის საქალაქო საბჭოს აღმასკომის სამშენებლო-სამონტაჟო ტრესტ "ინჟმშენის" სისტემაში და როგორც სამმართველოს მთავარი ინჟინერი ხელმძღვანელობდა ქ. თბილისში მშენებარე მნიშვნელოვანი და სპეცდანიშნულების ობიექტების მშენებლობას; 1989-1992წწ. საქართველოს სასოფლო მშენებლობის სამინისტროს ქ. მარნეულის რკინაბეტონის ქარხნის დირექტორი იყო და ემსახურებოდა ქვემო ქართლის რეგიონში მიმდინარე მშენებლობების რკინაბეტონის ნაკრთობებით დაკომპლექტებას; მისი ხელმძღვანელობით აშენებულია არაერთი მნიშვნელოვანი ობიექტი საქართველოს, აზერბაიჯანისა და სომხეთის რესპუბლიკებში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.622