ოთარ ჩაკვეტაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-მშენებლის კვალიფიკაციით 1958 წელს.

1958 წელს მუშაობა დაიწყო თბილისის ენერგეტიკისა და ჰიდროტექნიკურ ნაგებობათა სამეცნიერო-კვლევით ინსტიტუტში ინჟინრად; 1960-1964წწ. სწავლობდა ამავე ინსტიტუტის ასპირანტურაში, ხოლო 1971 წელს დაიცვა დისერტაცია და მიენიჭა ტექნიკურ მეცნიერებათა კანდიდატის სამეცნიერო ხარისხი; 1972 წლიდან მუშაობდა თბილისის აპოლონ ქუთათელაძის სახელობის სახელმწიფო სამხატვრო აკადემიაში; არაერთგზის იყო არეჩეული კათედრის გამგედ, დიზაინის ფაკულტეტის დეკანად; მისი მონაწილეობით დაპროექტებულია მრავალი შენობა-ნაგებობა, მათ შორის მიხეილ მესხის სახელობის ფეხბურთის სტადიონი, საქართველოს პრეზიდენტის სასახლე; ჩატარებული აქვს შენობა-ნაგებობათა კვლევა, აღდგენა-რეკონსტრუქცია და სხვა; მის მიერ გამოკვლეულია 50-მდე სამშენებლო ობიექტი; 1978 წელს დაიცვა სადოქტორო დისერტაცია; იყო თბილისის სახელმწიფო სამხატვრო აკადემიის პრორექტორი, აკადემიური საბჭოს წევრი, დიზაინის ფაკულტეტის სამეცნიერო საბჭოს თავმჯდომარე; 2011 წლიდან იყო ქართულ-ამერიკული უნივერსიტეტის საბუნებისმეტყველო მეცნიერებათა და ინჟინერიის სკოლის სრული პროფესორი, საბაკალავრო პროგრამის "მშენებლობა" ხელმძღვანელი. 

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.625

• საქართველოს ეროვნული აკადემია, საპატიო წევრი
• საქართველოს საინჟინრო აკადემია, წევრი