ზორიკ ჩაჩავა

დაბადების ადგილი: ქ. ბათუმი.

დაამთავრა ქ. მოსკოვის ბაუმანის სახელობის უმაღლესი სასწავლებელი ჰიდროტექნიკურ ნაგებობათა მშენებლობის სპეციალობით 1963 წელს; სწავლა გააგრძელა თბილისის პოლიტექნიკური ინსტიტუტის სამშენებლო ფაკულტეტზე.

1967 წლიდან მუშაობდა საპროექტო ინსტიტუტ "ჰიდროსოფლმშენში" ინჟინრად, შემდეგ იყო თბილისის ზონალური ს/კ, ტიპური და ექსპერიმენტული პროექტირების ინსტიტუტ "თბილზნიიეპის" უფროსი ინჟინერი, უფროსი მეცნიერ-თანამშრომელი; 1976-2003წწ. მუშაობდა საინჟინრო დანადგარებისა და ჰელიოტექნიკის ლაბორატორიის გამგედ; მისი ძირითადი სამეცნიერო მიმართულება იყო მზის ენერგიის გამოყენების პრობლემა სხვადასხვა დანიშნულების შენობებისათვის თბომომარაგების სისტემაში; არის 46 სამეცნიერო შრომის და 6 საავტორო მოწმობის ავტორი; წლების განმავლობაში სამსახურებრივი მივლინებებით იმყოფებოდა ჩეხოსლოვაკიაში, ირანის ისლამურ რესპუბლიკაში, რუმინეთში, უნგრეთში, გერმანიის დემოკრატიულ რესპუბლიკაში სხვადასხვა სპეცდანიშნულების ობიექტების პროექტირებისა და მშენებლობის ზედამხედველობის საავტორო უფლებით; თვალსაჩინო მიღწევები ჰქონდა დიდ სპორტში; იყო საბჭოთა კავშირის ნაკრების წევრი; წყალბურთელი; დაჯილდოებული იყო სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.628; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.256

• 1996 - ღირსების ორდენი
  საქართველოში ფიზიკური კულტურისა და სპორტის განვითარებაში, მაღალი რანგის სპორტსმენთა მომზადებასა და ახალგაზრდა თაობის ფიზიკურ აღზრდაში შეტანილი პირადი წვლილისათვის, ნაყოფიერი პედაგოგიური და ორგანიზატორული საქმიანობისათვის
• საერთაშორისო კატეგორიის მსაჯი
• საქართველოს დამსახურებული მწვრთნელი
• სპორტის დამსახურებული ოსტატი

• მეგობრობის საიდუმლო : მოგონებები (ავტორი). - თბილისი, შპს "ფავორიტი სტილი", 2014. - 244 გვ.
• Viva water polo! : ქართული წყალბურთი (ავტორი). - თბილისი, MMC, 2012. - 200გვ.
• წყალბურთი : შეჯიბრების ორგანიზაცია და თამაშის წესები (შემდგენელი). - თბილისი, 1992. - 18გვ.