მიხეილ ჩაჩანიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1957 წელს.

1957-1960წწ. მუშაობდა საკავშირო დაქვემდებარების საპროექტო ინსტიტუტ "სოიუზგიპროტორგში" ინჟინერ-კონსტრუქტორად; 1960-1975წწ. საპროექტო ინსტიტუტ "საქქალაქმშენსახპროექტში" - უფროს ინჟინრად, ჯგუფის ხელმძრვანელად, პროექტის მთავარ ინჟინრად, არქიტექტურული სახელოსნოს მთავარ კონსტრუქტორად; 1975-1988წწ. იყო საქართველოს მინისტრთა საბჭოს მშენებლობისა და საქალაქო მეურნეობის განყოფილების უფროსი რეფერენტი, კაპიტალური მშენებლობის განყოფილების გამგის მოადგილე; 1988-1989წწ. საქართველოს მინისტრთა კაბინეტის საბინაო-კომუნალური და საგზაო მეურნეობის განყოფილების გამგის მოადგილე; 1991-1996წწ. მუშაობდა საქართველოს მთავრობის კანცელარიის არქიტექტურისა და მშენებლობის საკითხთა მთავარ მრჩევლად; 1996-1997წწ. საქართველოს სახელმწიფო კანცელარიის, საქართველოს პრეზიდენტისა და სახელმწიფო მინისტრის დავალების შესრულების კონტროლის განყოფილების სახელმწიფო მჩევლად; 1997-2004წწ. იყო საქართველოს ურბანიზაციისა და მშენებლობის სამინისტროს საინჟინრო ნაგებობებისა და კომუნიკაციების სამმართველოს უფროსი; 2004 წლიდან სს "საქწყალპროექტის" მთავარი სპეციალისტია; მისი მონაწილეობითა და ხელმძრვანელობით დაპროექტდა და აშენდა საქართველოს მეცნიერებათა აკადემიის ხელნაწერთა, გეოფიზიკისა და კიბერნეტიკის ინსტიტუტები, სამხედრო ოლქის შტაბების შენობები თბილისსა და ტაშკენტში; მისი მონაწილეობით, გასული საუკუნის 60-იან წლებში პირველად საქართველოში, მრავალსართულიანი კარკასული შენობების მშენებლობაში დაინერგა ასაწყობ-მონოლითური კონსტრუქციები, გამოყენებული იყო ელექტროგამოთვლითი მანქანები, ასეთივე შენობა-ნაგებობების კონსტრუქციების ანგარიშების ჩასატარებლად; კურირებდა და მონაწილეობდა თბილისის სახელმწიფო უნივერსიტეტის ახალი კომპლექსის ბიოლოგიური ფაკულტეტის კორპუსისა და ცენტრალური ბიბლიოთეკის შენობის, ბაგების მაღლივი საერთო საცხოვრებლების, მდინარე ვერეზე გადასასვლელი დაკიდებული ხიდის, საქართველოს პოლიტექნიკური ინსტიტუტის ახალი კორპუსების და სხვა ობიექტების მშენებლობაში; აქტიურად მონაწილეობდა 1991 წლის (დასავლეთ საქართველოში) და 2002 წლის 25 აპრილის (თბილისში) მიწისძვრების შედეგების ლიკვიდაციაში, 1991-1992წწ. ცნობილი მოვლენების შედეგად, რუსთაველის პროსპექტზე დაზიანებული შენობების, მათ შორის N1 სკოლის აღდგენაში. დაჯილდოებულია საქართველოს უმაღლესი საბჭოს პრეზიდიუმის საპატიო სიგელით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.629

• საქართველოს მშენებელთა ფედერაცია, დამფუძნებელი წევრი

• შრომის ვეტერანი
• საქართველოს დამსახურებული მშენებელი