კუკური ჩაჩუა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1954 წელს.

1954-1966წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენში" სამუშაოთა მწარმოებლად, უფროს სამუშაოთა მწარმოებლად, სამშენებლო სამმართველოს უფროსად; 1966-1975წწ. იყო საქართველოს მშენებლობის სამინისტროს ტრესტ "მშენინდუსტრიის" მოსაპირკეთებელი მასალების კომბინატის დირექტორი; 1975-1985წწ. ტრესტ "მშენინდუსტრიის"მმართველი; 1985-1992წწ. მუშაობდა რესპუბლიკური გაერთიანება "საქსაკოლმეურნმშენის" საშენი მასალებისა და კონსტრუქციების ტრესტის მმართველად; 1992 წელს დაინიშნა სამშენებლო გაერთიანება "საქსაკოლმეურნმშენის" თავმჯდომარედ; ხელმძრვანელობდა საქართველოს სახელმწიფო არქივის, თბილისის სახელმწიფო ფილარმონიის, საცხოვრებელი მასივების, სკოლების, საავადმყოფოების მშენებლობას, ახალი ტიპის სამშენებლო კონსტრუქციებისა და ბუნებრივი და ხელოვნური ქვით მოპირკეთებული საკედლე პანელების შექმნას; თავის დროზე, ამ პანალებით აშენდა საქართველოს სახელმწიფო არქივის, სასტუმროების - "აჭარის", "ივერიის" და სხვა ობიექტების ფასადები; ასევე, რიგ სამრეწველო, საცხოვრებელ, კულტურულ-საყოფაცხოვრებო ობიექტებზე სხვადასხვა ტიპის ნაკეთობების, ხოლო "საქსაკოლმეურნმშენის" სისტემის ქარხნებში, სასოფლო-სამეურნეო ობიექტებისთვის შემუშავებული კონსტრუქციების დანერგვას; იყო მრავალი გამოგონებისა და რაციონალიზატორული წინადადების ავტორი; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.630

• საქართველოს სახელმწიფო პრემია
• საქართველოს დამსახურებული ინჟინერი