რევაზ ჩახვაშვილი

დაბადების ადგილი: სოფელი კარდენახი, გურჯაანის რაიონი.

დაამთავრა საქართველოს პოლიტექნიკური ინსტიტუტი სამიმოსვლო გზების მშენებლობის სპეციალობით 1976 წელს.

1976-1979წწ. მუშაობდა საქართველოს საავტომობილო გზების სამინისტროს საპროექტო-საგამოკვლევო კანტორაში ინჟინრად; 1979-1987წწ. N11 საგზაო სარემონტო-სამშენებლო სამმართველოში - უსაფრთხოების ინჟინრად, სამუშაოთა მწარმოებლად, უფროს სამუშაოთა მწარმოებლად; 1987-1995წწ. N4 საგზაო სარემონტო-სამშენებლო სამმართველოში - მთავარ ინჟინრად; 1995-1997წწ. ამავე სამმართველოში უფროსად; 1997 წელს გახდა შპს "გზამშენი-4"-ის გენერალური დირექტორი; 1999 წელს გაიარა კვალიფიკაციის ამაღლების საერთაშორისო პროგრამა "საგზაო ადმინისტრაციისა და მისი ქსელის ორგანიზაცია და მენეჯმენტი" (შვედეთში); მონაწილეობდა რამდენიმე ასეული კილომეტრი საგზაო მონაკვეთის, სახიდე გადასასვლელების (მდინარეებზე - ლოჭინი და იორი, თბილისის შემოსასვლელი და კახეთის გზების გადაკვეთაზე) მშენებლობასა და რეკონსტრუქცია-რეაბილიტაციაში; ასევე, საავტომობილო გზების - თბილისის ასაქცევი, "ფოთი-თბილისი-წითელი ხიდის", "თბილისი-მარნეული-გეგუთი-სომხეთის საზღვრის", "თბილისი-კოჯორი-მანგლისი-ბოგდანოვკისა" და "ალგეთი-ნატახტრის" მონაკვეთების მშენებლობაში; მიღებული აქვს გზებისა და მშენებლობის მსოფლიო ასოციაციის ტექნოლოგიების საერთაშორისო სერტიფიკატი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.631; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.136

• 1999 - ღირსების ორდენი
  თბილისი-სენაკი-ლესელიძის საავტომობილო გზის სოფელ აღაიანის შემოსასვლელი გზის მშენებლობის დროს გამოჩენილი მაღალი პროფესიონალიზმისათვის, თავდადებული და ნაყოფიერი შრომისათვის