გურამ ჩახვაძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-მშენებლის კვალიფიკაციით 1959 წელს.

1959 წლიდან მუშაობას იწყებს საქართველოს მშენებლობის სამინისტროს N5 სამშენებლო ტრესტის N1 სამშენებლო სამმართველოში მშენებელ ოსტატად, სამუშაოთა მწარმოებლად; იყო იმავე სამშენებლო სამმართველოს ტექნიკური განყოფილების უფროსი; 1966 წელს დაინიშნა N5 სამშენებლო ტრესტის N1 სამშენებლო სამმართველოს უფროსად; 1974 წელს გადაყვანილი იქნა N5 სამშენებლო ტრესტის მთავარ ინჟინრად; 1976 წელს დაინიშნა N5 სამშენებლო ტრესტის მმართველად; 1978 წლიდან იყო სპეციალიზებული სამშენებლო ტრესტ "საქსპეცმშენის" N28 მოძრავი მექანიზირებული კოლონის უფროსი; 1985 წელს გადაიყვანეს საქართველოს მშენებლობის სამინისტროს სპეციალიზებული სამშენებლო ტრესტ "საქსპეცმშენის" მმართველად; შემდგომში აღნიშნულ ტრესტს სახელწოდება შეეცვალა და მოქმედებდა როგორც "საქეკოსპეცმშენი", სადაც იგი 1994 წელს გენერალურ დირექტორად დაინიშნა; მიღებული აქვს არაერთი სამთავრობო ჯილდო.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.631-632

• აჭარის ავტონომიური რესპუბლიკის დამსახურებული ინჟინერი