იოსებ ჩიაევი

დაბედების ადგილი: სოფელი არკინარეთი, ცხინვალის რაიონი.

დაამთავრა ამიერკავკასიის სამიმოსვლო გზების ინჟინერთა ინსტიტუტი სალიანდაგო ნაგებობების მშენებლობის სპეციალობით 1931 წელს.

1931-1942წწ. მუშაობდა სამხრეთ ოსეთის ავტონომიური ოლქის საგზაო სამშენებლო სამმართველო "გზამშენის" როკის საუღელტეხილო გზის მშენებლობაზე სამუშაოთა მწარმოებლად, მთავარ ინჟინრად; 1942-1944წწ. იყო სამხრეთ ოსეთის საოლქო საბჭოს აღმასრულებელი კომიტეტის თავმჯდომარის მოადგილე; 1944-1957წწ. კვაისის მაღაროთა სამმართველოს მშენებლობის უფროსი, მაღაროთა სამმართველოს დირექტორი; 1957-1960წწ. მუშაობდა სამხრეთ ოსეთის საოლქო საბჭოს აღმასრულებელი კომიტეტის თავმჯდომარედ; 1960-1962წწ. იყო საქართველოს სახალხო მეურნეობის საბჭოს თავმჯდომარის მოადგილე; 1962-1965წწ. საქართველოს კომპარტიის სამხრეთ ოსეთის საოლქო კომიტეტის მდივანი; 1972-1975წწ. საქართველოს საშენ მასალათა მრეწველობის მინისტრი; 1975 წლიდან საქართველოს მომარაგების მთავარი სამმართველოს უფროსის მოადგილე; ხელმძღვანელობდა საშენი მასალების მრეწველობის არაერთი საწარმოს, სამხრეთ ოსეთის სამრეწველო ობიექტების, კვაისის მაღაროთა სამმართველოს გამამდიდრებელი ქარხნის, როკის საუღელტეხილო საავტომობილო გზის მშენებლობას; იყო სსრკ უმაღლესი საბჭოს რამდენიმე მოწვევის დეპუტატი; დაჯილდოებული იყო სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.632-633

• საქართველოს დამსახურებული ინჟინერი