გიორგი ჩიკვაიძე

დაბადების ადგილი: სოფელი სორმონი, ქუთაისის გუბერნია.

დაამთავრა თბილისის რკინიგზის ტრანსპორტის ინჟინერთა ინსტიტუტი საგზაო მშენებლობის სპეციალობით 1932 წელს.

1945-1954წწ. მუშაობდა ქ. ჩიტაში "ბამ"-ის რკინიგზის მეორე ხაზის მშენებლობაზე, საპროექტო ინსტიტუტ "საქრკინიგზაპროექტში" სადგურებისა და კვანძების ჯგუფის უფროსად, "საქრკინიგზაპროექტისა" დაკაპიტალური მშენებლობის განყოფილების უფროსად; იყო საქართველოს პოლიტექნიკური ინსტიტუტის სწავლული მდივანი, საქართველოს პროფესიულ-ტექნიკური განათლების სახელმწიფო კომიტეტის უფროსი მეთოდისტი; მისი ხელმძღვანელობითა და ავტორობით დაპროექტდა და აშენდა : დამხარისხებელ გორაკიანი სადგურები სამტრედიაში, თბილისში, ერევანში, ბაქოში, როსტოვში; რკინიგზის სადგური ნოვოროსიისკში, "ბორჯომის ვაგზალი" თბილისში; ციმბირში მუშაობისას მონაწილეობდა "ბამ"-ის რკინიგზის საკვანძო სადგურ ტაიშეტის, რკინიგზის სადგურ ოტპორის (იაპონიის საზღვარზე), ირკუტსკის რკინიგზის სადგურის დამხარისხებელი გორაკის და სხვა ობიექტების დაპროექტებასა და მშენებლობაში; მისი განუხორციელებელი ნამუშევრებიდან უნდა აღინიშნოს ბათუმის რკინიგზის ახალი სადგურის, დიდუბის სადგურის ძირეული რეკონსტრუქციისა და თბილისის შემოვლითი რკინიგზის პროექტები; იყო ვაგონთა დახარისხების სრულიად ახალი მეთოდის ავტორი; 1941-1945 წლების II მსოფლიო ომის მონაწილე; მიღებული ჰქონდა საბრძოლო და სამოქალაქო სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.635

• საქართველოს დამსახურებული ინჟინერი