თენგიზ ჩიკვაიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1961 წელს.

მუშაობდა საპროექტო ინსტიტუტ "საქსახკვებმრეწვში", თბილისის ელექტროტექნიკურ ს/კ ინსტიტუტში, საქართველოს სპეციალიზებულ სამშენებლო-სამონტაჟო გაერთიანება "საქმონტაჟსპეცმშენში", საქართველოს ჯანდაცვის სამინისტროს სარემონტო-სამშენებლო სამმართველოში, საქართველოს სასოფლო მშენებლობის სამინისტროში; 1972-1974წწ. იყო საქართველოს სახელმწიფო საგეგმო კომიტეტის განყოფილების უფროსის მოადგილე და განყოფილების უფროსი; 1975-1996წწ. მუშაობდა საქართველოს სოფლის მეურნეობის მინისტრის მოადგილედ, სასოფლო-სამეურნეო წარმოების სახელმწიფო კომიტეტისა და სახელმწიფო კომიტეტის "საქაგრომრეწვის" თავმჯდომარის მოადგილედ, სოფლის, სატყეო მეურნეობისა და კვების მრეწველობის სამინისტროს კაპიტალური მშენებლობის მთავარი სამმართველოს უფროსად, სოფლის მეურნეობისა და კვების მრეწველობის მინისტრის მოადგილედ; 1996 წლიდან ხელმძღვანელობდა საქართველოს სოფლის მეურნეობისა და სურსათის სამინისტროს მელიორაციისა და წყალთა მეურნეობის დეპარტამენტს; აქტიურად მონაწილეობდა და ხელმძღვანელობდა თანამედროვე დონეზე აღჭურვილი მსხვილი მეფრინველეობის ფაბრიკებისა და მეცხოველეობის კომპლექსების, სამეცნიერო დაწესებულებათა ობიექტების, გადამამუშავებელი და კვების მრეწველობის საწარმოების მშენებლობას, სტიქიით დაზარალებული მოსახლეობისთვის 100-მდე კეთილმოწყობილი სოფლის მშენებლობას და სხვა. მიღებული აქვს სახელმწიფო ჯილდოები, მათ შორის: საქართველოს უმაღლესი საბჭოს პრეზიდიუმის საპატიო სიგელი, აფხაზეთის უმაღლესი საბჭოს პრეზიდიუმის საპატიო სიგელი, სსრკ მინისტრთა საბჭოს პრემია.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.635-636; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.90

• 1998 - ღირსების ორდენი
  საქართველოში აგროსამრეწველო კომპლექსის მატერიალურ-ტექნიკური ბაზის განვითარების საქმეში პირადი წვლილისათვის
• შრომის წითელი დროშის ორდენი
• საპატიო ნიშნის ორდენი
• საქართველოს დამსახურებული ინჟინერი
• საქართველოს სახელმწიფო პრემია