ნუგზარ მანჯაფარაშვილი

დაბადების ადგილი: სოფელი ნუკრიანი, სიღნაღის რაიონი.

დაამთავრა თბილისის სახელმწიფო სამხატვრო აკადემიის ქანდაკების ფაკულტეტი 1975 წელს. 

1978-1980წწ. იყო თბილისის სახელმწიფო უნივერსიტეტის მეორადი ფაკულტეტისა და 1990-1995წწ. ი. ნიკოლაძის სახელობის სამხატვრო სასწავლებლის პედაგოგი. ძირითადი ნამუშევრები: ქალის ტორსი, "გაზაფხული", "შემოდგომა", "დემეტრე თბილელი", "მაღლივი მემონტაჟე", "დედა-შვილი", კომპოზიცია (1986), "მჯდომარე ქალი", ქვა (1988); "მთიბავის ტორსი", ქვა (1991); "თავი", "ილიას პორტრეტი", "ძახილი", "მყვინთავი", "9 აპრილი" (1989), "პაპის პორტრეტი", თემბი, ქვა, ლითონი (1995); "აფროდიტე", მარმარილო (1997); "ფრთამოტეხილი ანგელოზი" (1993); სამედალო ხელოვნების ნიმუშები. 1976 წლიდან მონაწილეობს გამოფენებში: პერსონალური - გალერეა "თბილისი" (1996), პარიზი (1979); 1979-1995წწ. ჯგუფური - "მხატვრის სახლი", "ქართული ხელოვნება" (ვარშავა, 1985); საქართველოს სსრ სახვითი ხელოვნება (მოსკოვი, 1987); ქართული დაზგური ქანდაკება, (თბილისი, 1991), ქართული ხელოვნება (მოსკოვი, პრაღა, 1991); "ივერთბანკი" და გალერეა "ორიენტი" (თბილისი, 1996), "საბერძნეთი თანამედროვე ქართულ ხელოვნებაში" (1998) და სხვა. მისი ნამუშევრები დაცულია კულტურის სამინისტროს საცავში, სეგ-ში, სამხატვრო ფონდში, გალერეა TMS-ში, კერძო კოლექციებში. 2002-2003წწ. არის სეგ-ისა და თანამედროვე ხელოვნების გალერეის (2005) I პრემიების და "9 აპრილის" II პრემიის ლაურეატი. მისი ბიოგრაფია შესულია სსრკ მხატვართა კავშირის წევრთა ბიბლიოგრაფიულ ცნობარში (მოსკოვი, 1982). 

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.308; თანამედროვე სახვითი ხელოვნების პორტალი: art.gov.ge

• სსრკ მხატვართა კავშირი, წევრი (1982-)