ანზორ ჩოგოვაძე

დაბადების ადგილი: ქ. ჭიათურა.

დაამთავრა საქართველოს პოლიტექნიკური ინსტიტუტი სამთო საწარმოთა მშენებლობისა 1961 წელს და სამშენებლო საინჟინრო ეკონომიკის სპეციალობით 1975 წელს; საქართველოს მეცნიერებათა აკადემიის ეკონომიკის ინსტიტუტის ასპირანტურა 1978 წელს.

1961-1981წწ. მუშაობდა საქართველოს მშენებლობის სამინისტროს N7 სამშენებლო ტრესტ "საქშახტმშენის" სისტემაში; გაიარა თითქმის ყველა თანამდებობრივი საფეხური მშენებელი ოსტატობიდან ტრესტის მმართველის მოადგილეობამდე; 1981-1992წწ. იყო სსრკ გაზის მრეწველობის სამინისტროს გაერთიანება "საქბურღგეოთერმიის" უფროსის მოადგილე მშენებლობის დარგში; 1992-2007წწ. შპს უნივერსიტეტ "საქართველოს" პრორექტორი მშენებლობის დარგში; 2007-2011წწ. სამშენებლო ფირმების შპს "თბილისი-16"-ისა და შპს "ბი-ქეი გრუპის" დირექტორი; 2011 წლიდან არის ჰოლდინგ "საქართველოს" დირექტორი მშენებლობის დარგში; 1976-1992წწ. ლექციებს კითხულობდა საქართველოს პოლიტექნიკური ინსტიტუტის მშენებლობის ორგანიზაციისა და ეკონომიკის კათედრაზე; პროფესიული საქმიანობის სხვადასხვა ეტაპზე თბილისში, ჭიათურაში, ტყიბულში, ტყვარჩელში, ბოლნისსა თუ საქართველოს სხვა რეგიონებში, მონაწილეობდა და ხელმზღვანელობდა რიგი სამრეწველო და საზოგადოებრივი დანიშნულების ობიექტის მშენებლობას; არის არაერთი სამეცნიერო ნაშრომისა და მედლების კავალერი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.644