თეიმურაზ ჩიხორია

დაბადების ადგილი: სოფელი ბაჯითი, საჩხერის რაიონი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი ხიდებისა და გვირაბების მშენებლობის სპეციალობით 1971 წელს.

1971-1972წწ. მუშაობდა საქართველოს საავტომობილო გზების სამინისტროს გაგრის N41 საგზაო-საექსპლუატაციო სამმართველოს ინჟინრად; 1972-1974წწ. გაწვეული იყო სავალდებულო სამხედრო სამსახურში; 1974 წლიდან მუშაობდა საგზაო-საექსპლუატაციო სამმართველოში სამუშაოთა მწარმოებლად; 1974 წელს დაინიშნა მთავარ ინჟინრად; 1981 წელს სამსახურებრივი მივლინებით, ტექნიკური დახმარების მიზნით, გაგზავნილ იქნა კუბის რესპუბლიკაში და ხელმძღვანელობას უწევდა საბჭოთა და კუბელ სპეციალისტთა ერთობლივ ჯგუფს საგზაო-სამშენებლო გაერთიანებაში, რომელმაც ათასამდე კილომეტრი მაგისტრალური სახელმწიფო და სასოფლო დანიშნულების საავტომობილო გზების მშენებლობის სამუშაოები შეასრულა; 1984 წლიდან კვლავ მუშაობდა გაგრის N41 საგზაო-საექსპლუატაციო სამმართველოში მთავარ ინჟინრად; მიღებული აქვს კუბის სახალხო რესპუბლიკის და საქართველოს მთავრობის ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.643

• საქართველოს მეგზევეთა საზოგადოება, წევრი

• აფხაზეთის დამსახურებული მეგზევე
• საქართველოს დამსახურებული მეგზევე