დევი ჩოფიკაშვილი

დაბადების ადგილი: სოფელი სტეფანწმინდა, ყაზბეგის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1953 წელს.

შრომითი საქმიანობა დაიწყო საქართველოს ქალაქგეგმარებისა და ტერიტორიული დაგეგმარების საპროექტო ინსტიტუტ "საქქალაქმშენსახპროექტში"; 1965-1976წწ. მუშაობდა თბილისის ზონალურ სამეცნიერო-კვლევით, ტიპური და ექსპერიმენტული პროექტირების ინსტიტუტ "თბილზნიიეპში", 1982-1988წწ. უკავშირდება საკავშირო საპროექტო ინსტიტუტ "საქკურორტპროექტს"; მრავალი მნიშვნელოვანი პროექტის ავტორი და თანაავტორი იყო, მათ შორის: პირველი ექსპერიმენტული ტიპური საცხოვრებელი სახლის ვაკეში, თბილისის სახელმწიფო უნივერსიტეტის კომპლექსის (მაღლივი სასწავლო სალექციო კორპუსი, სამეცნიერო ბიბლიოთეკა წიგნსაცავით 5 მილიონ წიგნზე) და სტუდენტთა საცხოვრებელი მრავალსართულიანი სახლის, სახელმწიფო საპროექტო ინსტიტუტ "საქქალაქმშენპროექტის" ადმინისტრაციული შენობის ი. ჭავჭავაძის გამზირზე, სპორტული კომპლექსის "შრომითი რეზერვები" ნაძალადევის რაიონში, სპორტის ზამთრის სახეობათა სასახლის, 500-ადგილიანი ფართოეკრანიანი კინოთეატრის თბილისში, შრომის სასახლის ვაკეში, სამკურნალო სარეაბილიტაციო ცენტრის ახტალაში, სანატორიუმების ქობულეთში, სოჭში, ბიჭვინთაში და სხვა; მისი შემოქმედებითი საქმიანობა არაერთი საკავშირო და რესპუბლიკური მნიშვნელობის ჯილდოთია აღნიშნული.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.647

• საქართველოს არქიტექტორთა კავშირი, წევრი
• სსრკ არქიტექტორთა კავშირი, წევრი

• საქართველოს კომკავშირის პრემია