ედუარდ ჩუბინიშვილი

დაბადების ადგილი: ქ. ოდესა.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1959 წელს.

1959 წელს დაიწყო შრომითი საქმიანობა; საქართველოს მშენებლობის სამინისტროს N2 სამშენებლო ტრესტის N1 სპეციალურ სამშენებლო-სამონტაჟო სამმართველოში ინჟინრად; 1965 წლიდან ამავე ტრესტის N9 სპეციალურ სამშენებლო-სამონტაჟო სამმართველოს საგეგმო-ტექნიკური განყოფილების უფროსი იყო, შემდეგ მთავარი ინჟინერი და სამმართველოს უფროსის მოვალეობის შემსრულებელი; 1974 წელს დაინიშნა თბილისის საქალაქო აღმასკომის სამშენებლო ტრესტ "ინჟმშენის" N5 სამშენებლო სამმართველოს უბნის უფროსად; 1978 წლიდან გადაყვანილ იქნა საქართველოს სამონტაჟო და სპეციალური სამუშაოების მთავარი სამმართველოს "საქმთავარმონტაჟსპეცმშენის" თბილისის სამშენებლო-სამონტაჟო სამმართველოში "თბილფოლადკონსტრუქცია", საწარმოო-ტექნიკური განყოფილების უფროსად, შემდეგ მთავარ ინჟინრად; 1996 წლიდან არჩეულ იქნა სს "თბილფოლადკონსტრუქციის" სამეთვალყურეო საბჭოს წევრად; მისი ხელმძღვანელობით და მონაწილეობით შესრულებულია სპეციალური სამშენებლო და სამონტაჟო სამუშაოები მნიშვნელოვან ობიექტებზე, როგორებიცაა: თბილისის ქარხანა "ელექტროაპარატი", საპროექტო ინსტიტუტ "თბილქალაქპროექტის" მაღლივი კორპუსი, ქარხანა "მიონი", ქარხანა "ცენტროლიტი" ავჭალაში, "სატრაქტორო" ქარხანა ქუთაისში, კასპის ცემენტის ქარხნის რეკონსტრუქცია, ქ. რუსთავის კაპროლაქტამის საწარმო, აგლოფაბრიკის რეკონსტრუქცია და მრავალი სხვა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.648