თენგიზ ჩუბინიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ჰიდროტექნიკურ ნაგებობათა მშენებლობის სპეციალობით 1954 წელს.

1956-1957წწ. შრომითი საქმიანობა დაიწყო სამშენებლო ტრესტ "საქჰიდროენერგომშენის" საპროექტო კანტორაში ინჟინრად; მუშაობდა საქართველოს სახალხო მეურნეობის საბჭოს სამშენებლო სტრუქტურაში; 1957-1961წწ. იყო "ლაჯანურჰესის" სამშენებლო სამმართველოს მთავარი ინჟინრის მოადგილე; 1961-1964წწ. არაბეთის გაერთიანებულ რესპუბლიკაში, ასუანის მაღლივი კაშხლის მშენებლობაზე უფროსი ინჟინერი; 1964-1971წწ. "ენგურჰესის" მშენებლობაზე სადაწნეო-დერივაციული გვირაბისა და ძალოვანი კვანძის სამშენებლო სამმართველოების მთავარი ინჟინერი, ვარდნილჰესების სამშენებლო სამმართველოს უფროსი; 1971 წლიდან ხელმძღვანელობდა "ჟინვალჰესის" სამშენებლო სამმართველოს, პროფესიული კარიერის მიწურულს სამშენებლო გაერთიანება "საქგვირაბმშენის" სისტემაში ეკავა საპასუხისმგებლო თანამდებობები; იყო არაბთა გაერთიანებული რესპუბლიკის საპატიო მოქალაქე.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.650

• მედალი "შრომითი მამაცობისთვის"
• საპატიო ნიშნის ორდენი
• ღირსების ორდენი