როლანდ ჩხაიძე

დაბადების ადგილი: სოფელი აცანა, ლანჩხუთის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტი სამოქალაქო და სამრეწველო მშენებლობის სპეციალობით 1959 წელს.

1959-1964წწ. მუშაობდა საქართველოს მშენებლობის სამინისტროს სამშენებლო გაერთიანება "თბილქალაქმშენის" N6 სამშენებლო სამმართველოში ოსტატად, სამუშაოთა მწარმოებლად, უფროს სამუშაოთა მწარმოებლად; 1964-1971წწ. იმავე სამინისტროს N3 სამშენებლო ტრესტის N5 სამშენებლო სამმართველოში უფროს სამუშაოთა მწარმოებლად; 1971-1975წწ. სამშენებლო ტრესტ N1 სამშენებლო სამმართველოს უფროსად; 1975 წელს დაინიშნა გაჩიანის ხორცკომბინატის მშენებარე ობიექტის დირექციის დირექტორად; 1979 წელს თბილისის საცხოვრებელი სახლების ფასადების სარემონტო სამმართველოს უფროსად; 1983-1988წწ. ხელმძღვანელობდა თბილისის ძველი უბნებისა და შენობების სარემონტო-სარესტავრაციო ტრესტს; 1988-1989წწ. თბილისის საქალაქო საბჭოს აღმასკომის სამშენებლო ტრესტ "ინჟმშენის" N6 სამშენებლო სამმართველოს; 1989 წლიდან სათავეში ედგა სახელმწიფო სამშენებლო გაერთიანება ფირმა "საქსოფმშენის" თბილისის სამშენებლო სამმართველოს; აქტიურად მონაწილეობდა თბილისის საბინაო ფონდისა და ქალაქის მნიშვნელოვანი სამრეწველო ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.652