თორნიკე ჩხეიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1950 წელს.

1950-1959წწ. ნაყოფიერ შემოქმედებით მოღვაწეობას ეწეოდა საპროექტო ინსტიტუტ "საქსახპროექტში"; 1959-1965წწ. იყო მეცნიერებათა აკადემიის სამშენებლო მექანიკის და სეისმოლოგიის ინსტიტუტის ექსპერიმენტული განყოფილების წამყვანი არქიტექტორი; 1965 წელს მიიწვიეს თბილისის სახელმწიფო სამხატვრო აკადემიაში სასწავლო-საწარმოო სახელოსნოს დირექტორად; 1968 წელს არჩეულ იქნა ინტერიერის დიზაინის კათედრის გამგედ; მისი ნამუშევრებიდან აღსანიშნავია: რესტორანი "დარიალი", სასტუმრო ივერიის კაფე, ვოლგოგრადში "ქართული ღვინის" უნივერსალური სავაჭრო ცენტრი, სომატური საავადმყოფო 200 ადგილზე და პოლიკლინიკა ქ. ქუთაისში (თანაავტორი არქ. ი. ჩხენკელი), მუსიკალური სკოლა 200 მოსწავლისათვის ქ. ჭიათურაში (1959), სანატორიუმი წყალტუბოში 150 ადგილზე (1953), ესტაკადა ქუთაისი-წყალტუბოს გზატკეცილზე (1952), ავტობუსების სადგური ქუთაისი-წყალტუბოს გზაზე (1952), ადმინისტრაციული შენობა ჭიათურაში (1955).

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.653

• საქართველოს დამსახურებული არქიტექტორი