კონსტანტინე ჩხიკვაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ინჟინერ-მშენებლის კვალიფიკაციით 1973 წელს.

1973-1976წწ. მუშაობდა წამყვან სპეციალისტად საპროექტო ინსტიტუტ "თბილქალაქპროექტში"; მინაწილეობდა ნუცუბიძის პლატოსა და ბახტრიონის ქუჩის მიმდებარე ტერიტორიის განაშენიანებაში; 1976-1987წწ. საქართველოს აკადემიის სამშენებლო მექანიკისა და სეისმომედეგობის და საქართველოს ენერგეტიკის სამეცნიერო-კვლევით ინსტიტუტებში ატარებდა სამეცნიერო-კვლევით სამუშაოებს ატომური ენერგეტიკის ნაგებობათა სეისმომედეგობის საკითხებზე, ასევე უნიკალური კაშხლების სეისმომედეგობაზე (ენგური, ხუდონი, ნამახვანი და სხვა) - რეტროსპექტულ ანგარიშებსა და ექსპერიმენტებს; 1987 წლიდან დღემდე აქტიურად მოღვაწეობს, როგორც წამყვანი სპეციალისტი თეორიულ, კომპიუტერულ რიცხვითი და ნატურულ ექსპერიმენტულ კვლევებში საქართველოს კოსმოსური ნაგებობათა ინსტიტუტში; მონაწილეობს რამოდენიმე თაობის დიდგაბარიტიანი გასაშლელი კოსმოსური ანტენების შექმნაში (აკად. ელგუჯა მეძმარიაშვილის ხელმძღვანელობით); არის საქართველოს კოსმოსურ ნაგებობათა ინსტიტუტის თეორიული განყოფილების გამგე, საქართველოს ტექნიკური უნივერსიტეტის სამშენებლო მექანიკის დოცენტი, პროფესორი, საქართველოს ენერგეტიკის სამეცნიერო-კვლევითი ინსტიტუტის წამყვანი მეცნიერ თანამშრომელი, საქართველოს სახელმწიფო სპეციალური ცენტრის სამხედრო საინჟინრო კონსტრუქციების დეპარტამენტის უფროსის მოადგილე; მისი მონაწილეობით იქნა გაანგარიშებული, დაპროექტებული და გამოცდილი ორიგინალური კონსტრუქციების სწრაფად გასაშლელი საგანგებო და ექსტრემალური სიტუაციებისთვის გათვალისწინებული ხიდები; 1999 წლის 23-28 ივნისს საქართველოს კოსმოსური ნაგებობათა ინსტიტუტის მიერ ღია კოსმოსში გატანილი იქნა დიდგაბარიტიანი გასაშლელი კოსმოსური ანტენა-რეფლექტორი; არის ამ კონსტრუქციის თეორიული კვლევების ავტორი მეცნიერთა ჯგუფთან ერთად; კოსმოსური კონსტრუქცია - "რეფლექტორის" თეორიული კვლევების კომპლექსის ხელმძღვანელი. არის 40-ზე მეტი მეცნიერული ნაშრომის ავტორი. 

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.656-657; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.196

• 2001 - მედალი "საბრძოლო დამსახურებისთვის"
• 1999 - ღირსების ორდენი
  კოსმოსურ ორბიტაზე პირველი ქართული კონსტრუქციის გატანაში, ორბიტალურ სადგურ ''მირზე'' საქართველო-რუსეთის ერთობლივი პროგრამა ''რეფლექტორით'' ურთულესი ექსპერიმენტის წარმატებით ჩატარებაში, მსოფლიო ბაზარზე კოსმოსური სატელეკომუნიკაციო და სპეციალური თავდაცვითი პროგრამებისათვის მაღალკონკურენტიანი, მეცნიერებატევადი პროდუქციის წარდგენაში შეტანილი სამეცნიერო-ტექნიკური და საწარმოო-ტექნოლოგიური წვლილისათვის

• პირველი ქართული კოსმოსური ობიექტი და მისი გენერალური კონსტრუქტორი : საქართველოს მეცნიერებათა ეროვნული აკადემიის წევრ-კორესპონდენტის, სამხედრო მეცნიერებათა დოქტორის, ტექნიკის მეცნიერებათა დოქტორის, პროფესორის, გენერალ-მაიორ ელგუჯა მეძმარიაშვილის სამეცნიერო და აკადემიური მოღვაწეობა კოსმოსური მექანიკის, სამხედრო-ტექნიკური მეცნიერებების და სამხედრო-საინჟინრო მეცნიერებების დარგებში : მომზადებულია 2010 წლის 25 სექტემბრის მონაცემებით (რედაქტორი). - თბილისი, 2010. - 474გვ.