ბაია ჩხიკვიშვილი

დაბადების ადგილი: ქ. ბათუმი.

დაამთავრა თბილისის სახელმწიფო სამხატვრო აკადემიის არქიტექტურის ფაკულტეტი 1973 წელს; იმავე აკადემიის ასპირანტურა 1978 წელს.

არის თბილისის სახელმწიფო სამხატვრო აკადემიის არქიტექტურის ფაკულტეტის პროფესორი; მონაწილეა საერთაშორისო და რესპუბლიკური კონფერენციების, სიმპოზიუმის; არის რიგი მეთოდური ნაშრომების, სამეცნიერო სტატიებისა და განხორციელებული პროექტების ავტორი; მისი ძირითადი ნამუშევრებია: ილ. ჭავჭავაძის მუზეუმის რესტავრაცია-რეკონსტრუქციის პროექტი ქ. თბილისში (1987), სასტუმრო "ინტურისტი" ქ. ბათუმში - რეკონსტრუქციის პროექტი (1984), ავსტრია-საქართველოს ერთობლივი საწარმო "მეტეხის" ადმინისტრაციული შენობა ქ. თბილისში (1990); არის საერთაშორისო და რესპუბლიკური მასშტაბის კონკურსებზე გამარჯვებული სადიპლომო პროექტების ხელმძღვანელი; ინფორმაცია ნ. ჩხიკვიშვილის შესახებ შეტანილია თანამედროვე ქართველ არქიტექტორთა ბიოგრაფიულ ლექსიკონში: "ვინ ვინაა თანამედროვე ქართულ არქიტექტურაში" (1999) და წიგნში "ჩვენ - საქართველოს ქალები" (2009); მიღებული აქვს საქართველოს განათლების სამინისტრის I ხარისხის დიპლომი სტუდენტთა სამეცნიერო-კვლევის მუშაობის წარმატებული ხელმძღვანელობისათვის, საქართველოს პრეზიდენტის მადლობა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.657

• ღირსების მედალი