რევაზ ჩხობაძე

დაბადების ადგილი: ქ. ოზურგეთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1958 წელს.

მუშაობდა საპროექტო ინსტიტუტებში - "საქქალაქმშენსახლპროექტი" და "სოფლმშენსახლპროექტი" არქიტექტორად და პროექტის მთავარ არქიტექტორად; იყო პროექტების ავტორი და თანაავტორი; საქართველოს კურორტების მართვის საბჭოში ("საქკურორტსაბჭო") მუშაობდა ჰიდრო-გეოლოგიისა და შენობა-ნაგებობათა ექსპლუატაციის განყოფილების უფროსის მოადგილედ; 1971 წელს გადაყვანილ იქნა საქართველოს მინისტრთა საბჭოს მშენებლობის განყოფილებაში უფროს რეფერენტად; კურირებას უწევდა რესპუბლიკის სახალხო მეურნეობის დარგების მნიშვნელოვანი ობიექტების მშენებლობას; 1980 წელს დაინიშნა საქართველოს უმაღლესი და საშუალო სპეციალური განათლების მინისტრის მოადგილედ მშენებლობის დარგში; 1982 წელს დაამთავრა მოსკოვის საკავშირო აკადემიის სახალხო მეურნეობის ინსტიტუტი; 1986 წლიდან იყო ივანე ჯავახიშვილის სახელობის თბილისის სახელმწიფო უნივერსიტეტის პრორექტორი, კაპიტალური მშენებლობის სამსახურის უფროსი; ეკონომიკურ მეცნიერებათა კანდიდატი (1979); ავტორია რამდენიმე სამეცნიერო სტატიისა და მონოგრაფიის; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.658

• საქართველოს არქიტექტორთა კავშირი, გამგეობის წევრი