დავით ცანავა

დაბადების ადგილი: ქ. სოხუმი.

დაამთავრა ნოვოჩერკასკის პოლიტექნიკური ინსტიტუტის სამშენებლო ფაკულტეტი 1972 წელს; იმავე ინსტიტუტის რკინაბეტონის კათედრის ასპირანტურა 1974 წელს.

1974-1976წწ. საბჭოთა არმიის რიგებში სამსახურის გავლის პერიოდში მუშაობდა ტოლიატის ავტოქარხნის, სპორტკომპლექსისა და დახურული ბაზრის მშენებლობებზე; 1976-1978წწ. მუშაობდა საქართველოს "მშენბანკის" აფხაზეთის ფილიალში უფროს ინჟინრად; 1978-1987წწ. საქართველოს მშენებლობის სამინისტროს ტრესტ "სპეცმშენის" N20 მოძრავ-მექანიზებული კოლონის უფროსის მოადგილედ, მთავარ ინჟინრად, უფროსად; 1987-1992წწ. იყო სსრკ გაზისა და ნავთობის მრეწველობის სამინისტროს მშენებარე ობიექტების სოხუმის დირექციის დირექტორი, ტრესტ "ორგტექმშენის" მმართველის მოადგილე, გენერალური დირექტორის მოადგილე; 1992-1993წწ. იყო ბატალიონ "ცხუმის" ასმეთაური; 1993-1998წწ. ქ. სოხუმის მერი (დევნილობაში); 1998-2005წწ. აფხაზეთის მთავრობის თავმჯდომარის მოადგილე; 2005-2009წწ. აფხაზეთის მთავრობის წარმომადგენლობის ხელმძღვანელი აღმოსავლეთ საქართველოში; ხელმძღვანელობდა ქ. სოხუმის, გაგრა-ბიჭვინთისა და ახალი ათონი-გუდაუთის გამწმენდი ნაგებობების, საკანალიზაციო ქსელების, წყალსადენების, სატუმბი სადგურების (სოხუმში, გაგრაში, ოჩამჩირეში, ახალ ათონსა და გულრიფშში), გუმისთის მასივის საცხოვრებელი კომპლექსისთვის მიწისქვეშა კომუნიკაციების, გზების მშენებლობასა და გამწვანებას.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.661-662; გრიგოლ წულუკიძის სამთო ინსტიტუტის ვებ-გვერდი: mining.org.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.81

• 1999 - ვახტანგ გორგასლის III ხარისხის ორდენი
  საქართველოს ტერიტორიული მთლიანობისა და დამოუკიდებლობისათვის ბრძოლაში გამოჩენილი გმირობის, მამაცობისა და თავდადებისათვის
• აფხაზეთის დამსახურებული ინჟინერი