თამაზ ცანავა

დაბადების ადგილი: ქ. ზუგდიდი.

დაამთავრა საქართველოს პოლიტექნიკური ინსტიტუტი არქიტექტურის სპეციალობით 1970 წელს.

 1970 წლიდან მუშაობდა საპროექტო ინსტიტუტ "საქქალაქმშენსახპროექტის" სოხუმის ფილიალში არქიტექტორად; 1973 წელს დაინიშნა ქ. ზუგდიდის მთავარ არქიტექტორად; 1973-1975წწ. მსახურობდა საბჭოთა არმიის რიგებში, გადიოდა სავალდებულო სამხედრო სამსახურს (ქ. კაპუსტინ-იარი); 1976-1980წწ. მუშაობდა აფხაზეთის ავტონომიური რესპუბლიკის მშენებლობის საქმეთა სახელმწიფო კომიტეტის ("სახმშენის") სარაიონთაშორისო საპროექტო ბიუროს უფროსად; პარალელურად ეწეოდა პედაგოგიურ მოღვაწეობას საქართველოს სუბტროპიკული მეურნეობის ინსტიტუტში (ქ. სოხუმი); 1980-1984წწ. იყო ქ. სოხუმის საქალაქო საბჭოს აღმასკომის საპროექტო ბიუროს უფროსი; 1984-1985წწ. მუშაობდა ქ. გაგრის მთავარ არქიტექტორად; 1985 წელს კვლავ დაინიშნა ქ. ზუგდიდის მთავარ არქიტექტორად, სადაც მუშაობდა 1989 წლამდე; 1989 წელს გადაიყვანეს საქართველოს მშენებლობის საქმეთა სახელმწიფო კომიტეტის ("სახმშენის") არქიტექტურული კონტროლისა და არქიტექტურული ორგანოების კოორდინაციის განყოფილების უფროსის მოადგილედ; 1991-1993წწ. იყო საქართველოს არიტექტურისა და მშენებლობის სამინისტროს ქალაქმშენებლობის სამმართველოს უფროსის მოადგილე; 1993-1995წწ. მუშაობდა ქ. თბილიის მთავარი არქიტექტორის მოადგილედ; 1995-1999წწ. იყო ქ. თბილისის მერიის არქიტექტურისა და პერსპექტიული განვითარების საქმეთა დეპარტამენტის ქალაქმშენებლობის სამმართველოს უფროსი; 1999-2000წწ. მუშაობდა ქ. თბილისის მერიის "არქიტექტურისა და ქალაქმშენებლობის კომპანიაში", ქალაქმშენებლობისა და საინჟინრო უზრუნველყოფის მიმართულების დირექტორად; 2000 წლიდან ეწევა კერძო არქიტექტურულ საქმიანობას; მისი ნამუშევრებია: კაფე-ბარი ქ. სოხუმში (ლაკობას ქუჩაზე), კულტურის სასახლე, მუსიკალური სასწავლებელი და საქალაქო ბიბლიოთეკა (რეკონსტრუქცია) ქ. კაპუსტინ-იარში, საბავშვო ქალაქი (კომპლექსი) "აცანგვარა", ღია კაფე-ბარი სასტუმრო "აფხაზეთის" მიმდებარე ტერიტორიაზე და ნავსადგომი ელინგით ქ. სოხუმში, კაფე-ბარი "კარაველა" (ზ. მამალაძესთან ერთად) ქ. გაგრაში, ქ. ზუგდიდის ბოტანიკური ბაღის ადმინისტრაციული შენობა, "აზროვნების და დასვენების ცენტრი" კომპლექსის პროექტი ქ. ზუგდიდში (მ. ლაითაძესთან ერთად), დენდროლოგიური პროექტები და სხვა; მიღებული აქვს სახელმწიფო და საუწყებო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.662

• საქართველოს არქიტექტორთა კავშირი, წევრი