რუდიკ ცატავა

დაბადების ადგილი: ქ. გალი.

დაამთავრა ფოთის ჰიდრომელიორაციული ტექნიკუმი 1967 წელს; როსტოვის საინჟინრო-სამშენებლო ინსტიტუტის სამრეწველო და სამოქალაქო მშენებლობის ფაკულტეტი 1976 წელს; ლენინგრადის ჰიდროსამშენებლო აკადემია 1981 წელს.

მუშაობდა ტრესტ "კოლხეთმშენის" N2 სამშენებლო სამმართველოში მთავარ ინჟინრად და უფროსად, გალის საშენ მასალათა კომბინატის დირექტორად; იყო სსრკ სპორტკომიტეტის გალის N16 სამშენებლო სამმართველოს უფროსი, საკავშირო დაქვემდებარების ჰიდროსამექანიზაციო-სამშენებლო ტრესტისა და საქართველოს აგროსამრეწველო კომიტეტის გალის N2 სამშენებლო ტრესტის მმართველი; იყო გალის რაიონის გამგეობის თავმჯდომარე, საქართველოს ეკონომიკური წარმომადგენლობის თავმჯდომარის მოადგილე რუსეთის ფედერაციაში; 1991 წელს არჩეული იყო აფხაზეთის ა/რ უმაღლესი საბჭოს დეპუტატად; იყო უმაღლესი საბჭოს მშენებლობისა და მრეწველობის მუდმივმოქმედი კომისიის თავმჯდომარე; 1998-2003წწ. მუშაობდა აფხაზეთის ა/რ მინისტრთა საბჭოს თავმჯდომარის პირველ მოადგილედ; 2003 წლიდან არის აფხაზეთის ა/რ უმაღლესი საბჭოს პრეზიდიუმის წევრი და ფრაქციის თავმჯდომარე; მისი მონაწილეობით და ხელმძღვანელობით ქ. გალში აშენდა ჩაის ორი ფაბრიკა, სასოფლო-სამეურნეო პროდუქტების გადამამუშავებელი ქარხანა, რესპუბლიკური მნიშვნელობის სამეანო-გინეკოლოგიური ცენტრი, კულტურულ-გამაჯანსაღებელი და დასასვენებელი კომპლექსი "სათანჯო", ცენტრალური საფეხბურთო სტადიონი, საკავშირო ნაკრებთა სასწავლო-საწვრთნელი ოლიმპიური ცენტრი ნიჩბოსნობაში, საცხენოსნო სკოლა და იპოდრომი, სკოლები და საბავშვო ბაღები, კერძო სახლები უმწეო და მიუსაფარი ოჯახებისათვის (სახელმწიფო პროგრამის ფარგლებში) და სხვა მნიშვნელოვანი ობიექტები; აქტიურად იყო ჩართული კოლხეთის დაბლობის დაჭაობებული მიწების დაშრობის, ათვისებისა და, ხიდებითა და გზებით განაშენიანების საქმეში; აღიარებული იყო "საბჭოთა კავშირის 1987 წლის საუკეთესო მშენებლად".

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.663-664

• სსრკ სახელმწიფო პრემია
• საქართველოს დამსახურებული ინჟინერი
• სსრკ დამსახურებული მშენებელი
• სსრკ დამსახურებული ინჟინერი