არჩილ ნადირაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მეტალურგიული ფაკულტეტი შავი ლითონების მეტალურგიის სპეციალობით 1954 წელს.

1954-1957 წლებში იგი მუშაობდა რუსთავის მეტალურგიულ ქარხანაში მარტენის საამქროს ოსტატად, 1957-1960 წლებში იყო საქართველოს მეცნიერებათა აკადემიის მეტალურგიის ინსტიტუტის ასპირანტი, 1960- 1970 წლებში ამავე ინსტიტუტის უმცროსი მეცნიერ თანამშრომელი, 1970-1986 წლებში - უფროსი, 1986-1991 წლებში - წამყვანი, 1991-1997  წლებში - მთავარი მეცნიერი თანამშრომელი. 1997 წლიდან იგი ხელმძღვანელობდა საქართველოს მეცნიერებათა აკადემიის ფ. თავაძის სახელობის მეტალურგიისა და მასალათამცოდნეობის ინსტიტუტის მეტალურგიული პროცესების თეორიის ლაბორატორიას. ქიმიის მეცნიერებათა დოქტორი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. -თბ., 2012.-გვ.11

• 1992 - პეტრე მელიქიშვილის სახელობის პრემია
• საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)