Login |
|
|
English Georgian |
HomeCategories |
Search The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it. The dictionary is supported by the National Parliamentary Library of Georgia. The project aims at publishing the biographies of outstanding Georgians. We hope that whole Georgia will be involved in filling this unique dictionary. |
მიხეილ ცენტერაძე
Biographyდაბადების ადგილი: ქ. ბათუმი. დაამთავრა მოსკოვის ინდუსტრიული ტექნიკუმის მექანიკის ფაკულტეტი 1932 წელს; საქართველოს ინდუსტრიული ინსტიტუტის სამშენებლო ფაკულტეტი 1939 წელს. 1939-1941წწ. მუშაობდა ტექნიკოსად მოსკოვის მეჟინსკის სახელობის N39 და კალინინის სახელობის ქარხნებში; იყო საპროექტო ორგანიზაცია ტრესტ "თბილქალაქპროექტისა" და 1946-1958წწ. საპროექტო ინსტიტუტ "საქშახტპროექტის" ინჟინერ-კონსტრუქტორი, განყოფილების უფროსი; 1958-1959წწ. მუშაობდა საქართველოს მინისტრთა საჭოს სამეცნიერო-ტექნიკური კომიტეტის სამშენებლო ინდუსტრიის განყოფილების მთავარ სპეციალისტად; 1959-1961წწ. საპროექტო ინსტიტუტ "საქსოფლსახპროექტის" მთავარ კონსტრუქტორად; 1961-1978წწ. საპროექტო ინსტიტუტების "საქქალაქმშენსახპროექტისა" და "საქსახსპორტპროექტის" მთავარ ინჟინრად; 1978-1984წწ. მუშაობდა საქართველოს ძეგლთა დაცვის მთავარი სამმართველოს უფროსის პირველ მოადგილედ; უდიდესი წვლილი აქვს შეტანილი საქართველოში სამშენებლო დარგის განვითარების საქმეში; მისი ინიციატივითა და მონაწილეობით, საპროექტო და პრაქტიკულ სამშენებლო საქმიანობის სფეროში დაინერგა არაერთი ტექნიკური სიახლე, მათ შორის მრავალსართულიანი საზოგადოებრივი დანიშნულების ნაგებობებისა და საცხოვრებელი სახლების (10-14-16-სართულიანი) რკინაბეტონის ანაკრები კარკასული, სეისმომედეგი კონსტრუქციები; საპროექტო ინსტიტუტ "საქქალაქმშენსახპროექტში" პირველმა დანერგა მრავალსართულიანი შენობების ჩარჩოსებრი კონსტრუქციების ელექტრომანქანური მეთოდით გაანგარიშების პროგრამები; მისი მონაწილეობითა და ხელმძღვანელობით დაპროექტებულ ობიექტებს შორისაა: 1100-ადგილიანი რესპუბლიკური საავადმყოფო თბილისში (ვაჟა-ფშაველას გამზირზე), თბილისის სახელმწიფო უნივერსიტეტის ახალი მაღლივი კომპლექსი, საქართველოს მეცნიერებათა აკადემიისა და პოლიტექნიკური ინსტიტუტის ახალი კომპლექსები (საბურთალოზე), დასასვენებელი სახლები და სანატორიუმები აფხაზეთსა და აჭარაში; მონაწილეობდა II მსოფლიო ომში; მიღებული ჰქონდა საბრძოლო და სხვა სახელმწიფო ჯილდოები. წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.665 Awards and Honors
|
Biographical Dictionary. version 1.2.2.R1 Copyright © 2010-2012 by David A. Mchedlishvili |