გიორგი ცქიტიშვილი

დაბადების ადგილი: სოფელი სანახშირე, ზესტაფონის რაიონი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1948 წელს.

1948-1956 წლებში იყო ივანე ჯავახიშვილის სახელობის ისტორიის ინსტიტუტის არქეოლოგიის განყოფილების უმცროსი მეცნიერი თანამშრომელი, 1956-1967 წლებში - ამავე ინსტიტუტის ისტორიული გეოგრაფიის განყოფილების უმცროსი მეცნიერი თანამშრომელი, 1967-1970 წლებში - ინსტიტუტის წყაროთმცოდნეობისა და ისტორიული გეოგრაფიის განყოფილების უფროსი მეცნიერი თანამშრომელი, 1971 წელს - ივანე ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის საქართველოს ისტორიისა და კულტურის ძეგლთა აღწერილობის საპრობლემო ჯგუფის ხელმძღვანელი, 1972-1975 წლებში - ამავე ინსტიტუტის საქართველოს ისტორიისა და კულტურის ძეგლთა აღწერილობის განყოფილების გამგე, 1975-1977 წლებში - ინსტიტუტის არქეოლოგიურ ძეგლთა ნუსხის განყოფილების ხელმძღვანელი, 1977 წლიდან გარდაცვალებამდე - საქართველოს მეცნიერებათა აკადემიის არქეოლოგიურ ძეგლთა ნუსხისა და ატლასის სექტორის გამგე. მიღებული აქვს სსრკ სახალხო მეურნეობის მიღწევათა გამოფენის ვერცხლის მედალი (1981). ისტორიის მეცნიერებათა კანდიდატი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.21

• საქართველოს სახელმწიფო პრემია, მეცნიერებისა და ტექნიკის დარგში