გიორგი ცინცაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1978 წელს.

1978-1986წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილქალაქმშენის" N14 სამშენებლო - სამონტაჟო ტრესტში სამუშაოთა მწარმოებლად, უბნის უფროსად; 1986-1987წწ. იმავე გაერთიანების N3 სამშენებლო სამმართველოს მთავარ ინჟინრად; 1988 წლიდან სამმართველოს უფროსად; შპს ფირმა "განიმედი-99"-ის დირექტორია; მონაწილეობდა მრავალი საცხოვრებელი სახლის, სკოლის, საბავშვო ბაღის მშენებლობაში, ვარკეთილის, ვაზისუბნის, გლდანის, ნუცუბიძის მიკრორაიონების კეთილმოწყობაში (თბილისში), საჩხერის რაიონში მიწისძვრის შედეგად დაზარალებულთათვის საცხოვრებელი სახლების მშენებლობაში; მიღებული აქვს საქართველოს პრეზიდენტის მადლობის სიგელი და სხვა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.669