ზაურ ციხელაშვილი

დაბადების ადგილი: ქ. დმანისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი წყალმომარაგებისა და წყალარინების სპეციალობით 1970 წელს.

1970-1971წწ. მუშაობდა ქ. თბილისის საშენი მასალების სახელმწიფო სამეცნიერო-კვლევით ინსტიტუტში მეცნიერ-თანამშრომლად; 1971-1981წწ. პოლიტექნიკური ინსტიტუტის სამრეწველო და კომუნალური წყალმომარაგებისა და წყალარინების სამეცნიერო-კვლევითი ლაბორატორისს უფროსი მეცნიერ-თანამშრომელი იყო; 1981-1995წწ. არჩეულ იყო პოლიტექნიკური ინსტიტუტის (შემდეგ ტექნიკური უნივერსიტეტი) წყალმომარაგებისა და წყალარინების კათედრის დოცენტად; პედაგოგიურ საქმიანობის პარალელურად ეწეოდა სამეცნიერო-კვლევით მოღვაწეობას ქალაქების - თბილისის, ბათუმის, გორის, ცხინვალისა და სხვა მსხვილი ქალაქების წყალმომარაგების სისტემების რეაბილიტაცია-ინტენსიფიკაციის საკითხებში; 1981-1982წწ. სამეცნიერო სტაჟირებით იმყოფებოდა უნგრეთში, ბუდაპეშტის ტექნიკურ უნივერსიტეტში, სადაც დაამუშავა წყალმომარაგების პროცესის მოდელირებისა და პროგნოზირების პირობები ქ. პეჩის სადისპეტჩერო სამსახურის ოპერატიულ მართვაში გამოსაყენებლად; 1999 წელს მისი ხელმძღვანელობით ტექნიკურ უნივერსიტეტში ჩამოყალიბდა "ჰიდროსაინჟინრო დარგების განვითარების ლოჯისტიკური სამეცნიერო-სასწავლო ცენტრი"; მონაწილეობდა საერთაშორისო და რესპუბლიკურ სიმპოზიუმებსა და კონფერენციებში; გამოქვეყნებული აქვს 90 სამეცნიერო ნაშრომი და 3 მონოგრაფია; 1976 წელს დაიცვა საკანდიდატო დისერტაცია და მიენიჭა ტექნიკურ მეცნიერებათა კანდიდატის სამეცნიერო ხარისხი; 1995 წელს დაიცვა სადოქტორო დისერტაცია და მიენიჭა ტექნიკურ მეცნიერებათა დოქტორის სამეცნიერო ხარისხი; 1995 წლიდან არჩეულ იქნა იმავე კათედრის პროფესორად. 

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.673

• საქართველოს საინჟინრო აკადემია, აკადემიკოსი
• ჰიდრავლიკოსთა საერთაშორისო ასოციაცია, წევრი

• წყალმომარაგებისა და წყალარინების სისტემების ექსპლუატაცია და ავტომატიზაცია : მეთოდ. მითითებები პრაქტიკული სამუშაოების შესასრულებლად (ავტორი). - თბილისი, ტექნ. უნ-ტი, 2009. - 50 გვ.
• ინოვაციური პროცესების მართვა : დამხმ. სახელმძღვ. სტუ-ს ბიზნეს სპეც. სტუდ. (ავტორი). - თბილისი, ტექნ. უნ-ტი, 2009. - 243გვ.
• საყრდენი კედლების კომპოზიციურ-სისტემური დაპროექტება (თანაავტორი). - თბილისი, ტექნ. უნ-ტი, 2005. - 78გვ.