გურამ ნიჟარაძე

დაბადების ადგილი: ქ. ფოთი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1949 წელს.

1949-1951 წწ. მუშაობდა თბილისის ბავშვთა N1 საავადმყოფოს შტატგარეშე ორდინატორად; 1951-1954 წწ. თბილისის სახელმწიფო სამედიცინო ინსტიტუტის ჰოსპიტალური პედიატრიის კათედრის კლინიკურ ორდინატორად; 1954-1957 წწ. იგი იყო თბილისის ექიმთა დახელოვნების სახელმწიფო ინსტიტუტის პედიატრიის კათედრის ასპირანტი, 1958-1966 წწ. ამავე კათედრის ასისტენტი, ხოლო 1967 წელს - დოცენტი; 1960-1968 წწ. იყო ამიერკავკასიის რკინიგზის საავადმყოფოს-სამშობიარო სახლის ახალშობილთა განყოფილებისა და ქ. თბილისის N1 ბავშვთა პოლიკლინიკის კონსულტანტი, 1969 წლიდან - საქართველოს ჯანდაცვის სამინისტროს მთავარი სამმართველოს N2 პოლიკლინიკისა, ხოლო 1979 წლიდან - ქ. თბილისის N2  სამშობიარო სახლის ახალშობილთა განყოფილების კონსულტანტი; სეფსისის საწინააღმდეგო რესპუბლიკური ცენტრის ბავშვთა განყოფილების კონსულტანტი; 1974 წლიდან გარდაცვალებამდე იყო თბილისის ექიმთა დახელოვნების სახელმწიფო ინსტიტუტის პედიატრიის კათედრის გამგე; პროფესორი გ. ნიჟარაძე თითქმის 40 წელი იდგა ჯანმრთელობის დაცის სადარაჯოზე, აქედან 35 წელზე მეტი სამედიცინო და პრაქტიკულ სამუშაოს უთავსებდა პედაგოგიურ მოღვაწეობას; პროფესორი გ. ნიჟარაძე ავტორია 150 სამეცნიერო ნაშრომის, 13 მონოგრაფიის, მათ შორის: "ახალშობილ ბავშვთა ფილტვის ანთება" (1966), "ახალშობილ ბავშვთა ზოგიერთი დაავადებები" (1978); მისი ხელმძღვანელობით პრაქტიკულ პედიატრიაში დანერგილია მრავალი რაციონალური წინადადება, მეთოდური რეკომენდაცია და გამოგონება ახალშობილის კვლევის, დიაგნოსტიკისა და მკურნალობის საკითხებზე; მისი ხელმძღვანელობით დაცულია 14 სადოქტორო და საკანდიდატო დისერტაცია; მისი ათეულობით მოწაფე დღეს წარმატებით საქმიანობს პედიატრიისა და ნეონატოლოგიის პრაქტიკულ, ორგანიზაციულ, სამეცნიერო, აკადემიურ და სხვ. სფეროებში; აქტიურად მონაწილეობდა პედიატრთა საკავშირო და რესპუბლიკური ყრილობების, სიმპოზიუმების და კონფერენციების მუშაობაში; იყო საზოგადოება "ცოდნის" ლექტორი. 2014 წლის 2 სექტემბერს თბილისში ერთერთ ქუჩას მიენიჭა პროფესორ გურამ ნიჟარაძის სახელი; 2017 წელს საქართველოს ნეონატოლოგთა ასოციაციის მიერ დაარსდა პროფესორ გ. ნიჟარაძის სახელობის სამეცნიერო-პრაქტიკული ჟურნალი "ნეონატოლოგია"; 2018 წელს საქართველოს ნეონატოლოგთა ასოციაციის VII საერთაშორისო კონგრესი "უახლესი მიღწევები ნეონატოლოგიასა და პედიატრიაში", მიეძღვნა პროფესორ გურამ ნიჟარაძის 90 წლის იუბილეს. მედიცინის მეცნიერებათა დოქტორი (1970), პროფესორი (1972).

საკანდიდატო დისერტაციის თემა - "მასალები ბაქტერიული დიზენტერიის ტოქსიკური ფორმების კლინიკისა და ამ დროს ცენტრალური ნერვული სისტემის პათოარქიტექტონიკის შესწავლისათვის ადრეული ასაკის ბავშვებში", დაიცვა 1958 წელს; სადოქტორო დისერტაციის თემა -  "ფილტვის ანთების უხშირესი ფორმების კლინიკურ - მორფოლოგიური დახასიათება ახალშობილ ბავშვებში", დაიცვა 1970 წელს.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.40

• გამომცემლობა "საბჭოთა საქართველოს" სამედიცინო ლიტერატურის რედაქციის სამეცნიერო საბჭო, წევრი
• თბილისის ექიმთა დახელოვნების ინსტიტუტის დიდი სამეცნიერო საბჭო, წევრი
• თბილისის სახელმწიფო სამედიცინო ინსტიტუტის სამეცნიერო ხარისხის მიმნიჭებელი სპეციალიზებული საბჭო, წევრი
• პედიატრთა საკავშირო გამგეობა, წევრი
• პედიატრიაში უნიფიცირებული პროგრამის შემდგენელი საკავშირო საექსპერტო კომისია, წევრი
• ჟურნალ "საბჭოთა მედიცინის" სარედაქციო საბჭო, წევრი
• საქართველოს პედიატრთა სამეცნიერო საზოგადოება, თავმჯდომარის მოადგილე
• საქართველოს სსრ ჯანდაცვის სამინისტროს სამეცნიერო საბჭოს საპრობლემო კომისია, წევრი

• 1993 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება, სიკვდილის შემდეგ)
  სახელმძღვანელოს შექმნისთვის "ახალშობილთა დაავადებები"
• 1985 - საქართველოს სახელმწიფო პრემია (ერთობლივი გამარჯვება)
  მრავალმხრივი სამეცნიერო მოღვაწეობის ძირითადი თემის ახალშობილთა სეფსისის ეტიოლოგიის, პათოგენეზის, კლინიკისა და მკურნალობის, აგრეთვე ორგანიზაციის საკითხების შესწავლისა და დანერგვისთვის
• 1984 - საქართველოს მეცნიერებათა დამსახურებული მოღვაწე

• ახალშობილთა დაავადებები (Author). - თბილისი, განათლება, 1990. - 848გვ.
• გულ-სისხლძარღვთა სისტემის დაავადებები ბავშვთა ასაკში (Co-Author). - თბილისი, საბჭ. საქართველო, 1987. - 360გვ.
• ფილტვის არასპეციფიკური დაავადებები ბავშვთა ასაკში (Co-Author). - თბილისი, საბჭ. საქართველო, 1980. - 436გვ.
• ადაპტაციის პროცესების კლინიკური ასპექტები ახალშობილებში (Editor). - თბილისი, საბჭ. საქართველო, 1978. - 232გვ.
• ბაქტერიული დიზენტერია ბავშვთა ასაკში (Co-Author). - თბილისი, საბჭ. საქართველო, 1961. - 95გვ.