ოთარ ცქიტიშვილი

დაბადების ადგილი: სოფელი შორაპანი, ზესტაფონის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტი საავტომობილო გზების მშენებლობის სპეციალობით 1949 წელს.

1949-1973წწ. მუშაობდა სსრკ სატრანსპორტო მშენებლობის სამინისტროს სამშენებლო-სამონტაჟო ტრესტ "ხიდმშენის" N454 ხიდმშენი მატარებელის ოსტატად, სამუშაოთა მწარმოებლად, უფროს სამუშაოთა მწარმოებლად; "ჭიათურა-შორაპნის" სარკინიგზო მონაკვეთის ხიდების მშენებლობაზე უბნის უფროსად; 1973-1989წწ. იყო N39 ხიდმშენი რაზმის უფროსი სამუშაოთა მწარმოებელი; 1989-1996წწ. სსრკ სატრანსპორტო მშენებლობის სამინისტროს N12 ხიდების სამშენებლო ტრესტ "ხიდმშენის" მექანიზებულ სამუშაოთა სამმართველოს უფროსი; 1966 წლიდან სს "ხიდმშენის" N2 ფილიალის დირექტორია; მონაწილეობდა აჯამეთის, "ჭიათურა-შორაპნის" სარკინიგზო ხაზის ხიდებისა და სხვა ხიდების მშენებლობაში (ზესტაფონის რაიონში); ხელმძღვანელობდა ნ. ბარათაშვილისა და გ. მინდელის სახელობის ხიდების (მდ. მტკვარზე), სარკინიგზო (სოღანლუღში) და ვახუშტი ბაგრატიონის (მდ. მტკვარზე), საქალაქო გზაგამტარების: თბილისში შავი ზღვის ქუჩაზე, აეროპორტის ჩქაროსნულ ტრასაზე, მუხათგვერდისა და გლდანის, ხაშურისა და ფონიჭალის სარკინიგზო გზაგამტარების, "ზაჰესთან" და ორთაჭალის გვირაბთან გამომავალი ესტაკადების, "წითელი ხიდის" (მდინარე ხრამზე), სარკინიგზო ხიდების (მდინარეებზე - ძირულასა და ნატანებზე), ორლიანდაგიანი სარკინიგზო ხიდის (მდ. რიონზე) მშენებლობას; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.677; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.262; საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 296-297

• 1998 - ღირსების მედალი
  მდინარე ხრამზე სახიდე გადასასვლელის - "წითელი ხიდის" მშენებლობის დადგენილ ვადაში დამთავრებისა და მაღალი პროფესიონალიზმის გამოვლენისათვის
• საქართველოს დამსახურებული მშენებელი