თამაზ ძოწენიძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის საინჟინრო გეოლოგიის ფაკულტეტი 1960 წელს.

1960-1962წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენის" სამშენებლო სამმართველო "თბილმიწქვეშგზამშენში" მშენებელ ოსტატად; 1962-1964წწ. იმავე სამინისტროს N1 სამშენებლო ტრესტის რუსთავის სამშენებლო სამმართველო "მეტალურგმშენში" სამუშაოთა მწარმოებლად; 1964-1974წწ. N5 სამშენებლო სამმართველოში მთავარ ინჟინრად, უფროსად; 1977-1983წწ. იყო სსრკ "მშენბანკის" საქართველოს განყოფილების თავმჯდომარის მოადგილე, მთავარი ინჟინერი; 1983-1990წწ. საქართველოს მშენებლობის სამინისტროს ტრესტ "საქმშენინდუსტრიის" მმართველის მოადგილე ეკონომიკის დარგში; 1991-1992წწ. თბილისის საქალაქო საბჭოს აღმასკომის სამშენებლო ტრესტ "ინჟმშენის" მმართველი; 1992-1994წწ. თბილისის კონტროლის პალატის თავმჯდომარის პირველი მოადგილე; 1995-1997წწ. მუშაობდა სს პრივატიზაციის სპეციალიზებული-საინვესტიციო ფონდ "მთავარინვესტის" მმართველად; 1998-2003წწ. იყო სააქციო საზოგადოებების "ლაოს", "სპეცჰელიოთბომონტაჟის", "მეგობრობის", "ვერძი-94"-ისა და "ბიზნესცენტრი საშენი მასალების" სამეთვალყურეო საბჭოს წევრი; ხელმძღვანელობდა სასოფლო-სამეურნეო და ზოოვეტერინალური ინსტიტუტების, სამხატვრო აკადემიისა და საქართველოს პოლიტექნიკური ინსტიტუტის სასწავლო კორპუსების, გამოთვლითი და მართვითი მანქანების ქარხნის, ფარმაცევტული და უქსოვადი ქსოვილების ფაბრიკების, ტაბახმელის ბიოკომბინატის I რიგის, კავშირგაბმულობის სახლის (თბილისში), სკოლების, საბავშვო ბაღების, საცხოვრებელი სახლებისა და სხვა ნაგებობების მშენებლობას; არის სსრკ მშენებლობის სამინისტროს სოცშეჯიბრის წარჩინებული (1970).

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.682-683

• შრომის ვეტერანი
• ღირსების ორდენი